Якъуп 4:11 - Сыйлы Инжил бла Забур

¹¹ Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.

Якъуп 4:11 Iomraidhean Croise

Лука 6:37

«Терслемегиз, сиз да терсленмезсиз; айыпламагъыз, сиз да айыпланмазсыз; кечигиз, сиз да кечилирсиз.

Римлилеге 2:1

Алай бла сен, ким да бол, башханы терслеучю адам, кечгинликли тюйюлсе. Нек десенг башханы не терслик бла терслей эсенг, кесинги да ол терслик бла терслейсе; не ючюн десенг, башханы терслеп, кесинг да аны этесе.

Римлилеге 2:13

Нек десегиз Аллахны аллында тюзлюклю болгъанла Законну эшитгенле тюйюлдюле, алай а Законну тутханла тюзге саналлыкъдыла.

Римлилеге 7:7

Сора не айтайыкъ? Тауратны Закону гюняхмы болду? Чыртда угъай! Алай а мен гюняхны башхадан болмай, Законну юсю бла билгенме; нек десегиз Закон: «Кюсе ме», – деп айтмаса эди, мен кюсеуню не болгъанын да ангыламаз эдим.

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

II Коринфлилеге 12:20

Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

Эфеслилеге 4:31

Хар тюрлю дерт тутуу, къутуруу, ачыуланыу, къычырыу, аман сёлешиу эмда хар тюрлю аман ниет сизден къорасынла;

I Тимотейге 3:11

Аны кибик аланы къатынлары да, жамауатда болушлукъчулукъ этген тиширыула да тийишли болургъа керекдиле, тилчи болмагъанла, адеплиле, хар не жаны бла да ышаннгылы болгъанла болургъа керекдиле.

II Тимотейге 3:3

Жарашмаучула, тилчиле, тыйгъысызла, кюйсюз къатыла, ахшылыкъны сюймеучюле,

Титге 2:3

Аны кибик къарт къатынла да сыйлылагъа тийишлисича жашасынла, тилчиле болмасынла, ичгичиликге къул болмасынла, игиликге юйретсинле.

Якъуп 1:16

Сюйюлюннген къарындашларым, алданмагъыз:

Якъуп 1:19

Алай бла, сюйюлюннген къарындашларым, хар адам эшитирге терк, сёз айтыргъа сабыр, ачыуланыргъа да сабыр болсун;

Якъуп 1:25

Тамамлы законнга, азатлыкъны законуна тюшюнюп, аны толтургъан адам а, ол тынгылап унутуучу тюйюл, ишни толтуруучу болса, алай этиую бла насыплы боллукъду.

Якъуп 2:8

Сиз, Китапда: «Жууугъунгу, кесинг-кесинги сюйгенча сюй», – деп жазылгъаныча, Патчахны Законун толтура эсегиз, иги этесиз;

Якъуп 5:10

Къарындашларым, къыйынлыкъ кёрген эм кёп тёзген файгъамбарладан юлгю алыгъыз, ала уа Раббийни аты бла сёлешгендиле.

Якъуп 5:7

Алай бла къарындашла, Раббий келгинчи кёп тёзюмлю болугъуз. Ма, жерге урунуучу, эртте жауун эмда кеч жауун алгъынчы, жерни багъалы тирлигин къаллай тёзюмлюк бла сакълайды!

Якъуп 5:9

Къарындашла, айыпха тюшмез ючюн, бир-биригизден тарыкъмагъыз: ма, Хукмучу эшиклени къатында турады.

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,