Якъуп 4:1 - Сыйлы Инжил бла Забур

¹ Арагъызда къаугъала бла тюйюшюуле къайдандыла? Сизни санларыгъызда къазауат этген кюсеуюгюзден тюйюлмюдюле?

Якъуп 4:1 Iomraidhean Croise

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Римлилеге 7:23

Мени санларымда уа, акъылымдагъы Законнга къажау кюрешип, мени жесир этген башха закон кёреме.

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:7

Нек десегиз гюняхлы табийгъатны ойлашыулары Аллахха къажаулукъду; Аллахны Законуна бойсунмайдыла, бойсуналлыкъ да тюйюлдюле.

Галатиялылагъа 5:17

Нек десегиз адамны гюняхлы табийгъаты, Нюр кёрюп болмагъанны сюеди, Нюр да гюняхлы табийгъат кёрюп болмагъанны сюеди. Ала бир-бирлерине къажаудула, алай бла сиз этерге сюйгенигизни этмейсиз.

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

II Тимотейге 2:23

Ангылаусуз эм жахил даулашыулагъа къатышма, ала къаугъала туудургъанларын сен билесе.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

Титге 3:9

Акъылсыз эришиуледен эм генеалогияладан эмда Тауратны Законуну юсюнден даулашыуладан бла къаугъаладан узакъ бол; нек десенг ала файдасыздыла эм бошдула.

Якъуп 1:14

Алай а хар ким, кесини талпыуу бла къызынып, терилиуге тюшеди.

Якъуп 4:3

Тилейсиз – алгъан а этмейсиз, нек десегиз хайыргъа тилемейсиз, кесигизни кюсеуюгюзге жаратыр ючюн тилейсиз.

I Петер 1:14

Айтылгъанны этген сабийле кибик, билмей тургъан заманыгъызда сизде болгъан алгъыннгы тыйгъычсызлыкълагъа кёре этмегиз,

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

II Петер 2:18

Нек десегиз ала махтанчакълыкъ бла бош сёзле айтып, ажашыуда тургъанладан кючден къутулгъанланы гюняхлы табийгъатларыны кюсеулери бла саякълыкъгъа тутадыла;

II Петер 3:3

Неден да алгъа сиз билигиз, ахыр кюнледе кеслерини кюсеулерини ызындан баргъан хыликкя этиучюле чыгъарыкъдыла.