Якъуп 3:17 - Сыйлы Инжил бла Забур

¹⁷ Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

Якъуп 3:17 Iomraidhean Croise

Маттай 23:28

Сиз да алай, тышыгъыздан адамлагъа тюзлюклюле кибик кёрюнесиз, ичигиз а эки бетлиликден бла законсузлукъдан толуду.

Маттай 5:8

Таза жюреклиле насыплыдыла; нек десегиз ала Аллахны кёрлюкдюле.

Маттай 5:9

Жарашыулукъ этиучюле насыплыдыла, нек десегиз алагъа Аллахны уланлары деп аталлыкъды.

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Лука 6:36

Алай бла сизни кёкдеги Атагъыз жумушакъ жюрекли болгъаны кибик, сиз да жумушакъ жюрекли болугъуз».

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 1:47

Исса, Натанелни Анга келе тургъанын кёрюп, аны юсюнден: «Ма, аны хыйлалыгъы болмагъан, керти израильчи!» – деди.

Ишлери 11:24

Эм барысына да Раббийге таза жюрекден байланыргъа таукел этдирди. Сора кёп халкъ, Раббийге ийнанып, жамауатха къошулду.

Ишлери 9:36

Яффада, Табита атлы бир сохта тиширыу бар эди. Аны атыны магъанасы маралды. Ол кёп хайыр иш этген эм кёп садакъа берген тиширыу эди.

Римлилеге 12:18

Сизни жаныгъыздан онг бар эсе, битеу адамла бла жарашыулукъда болугъуз.

Римлилеге 12:9

Сюймеклигигиз кёзбаусуз болсун. Аманлыкъдан жийиргенигиз, ахшылыкъгъа жабышыгъыз.

Римлилеге 15:14

Мен кесим да, къарындашларым, сиз игилик этиуден эм хар тюрлю билимден толу болгъаныгъызгъа эмда бир-биригизге насийхат берирге болаллыгъыгъызгъа толу ийнанама.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

II Коринфлилеге 6:6

Тазалыкъда, билимде, чыдамлылыкъда, ахшылыкъ этиуде, Сыйлы Нюрде, кёзбаусуз сюймекликде,

II Коринфлилеге 7:11

Ма ол, сизни Аллах сюйгенча жарсыгъаныгъыз, къарагъыз сизде къаллай къадалыу, къаллай ариуланыу, къаллай ачыуланыу, къаллай къоркъуу, къаллай итиниу, къаллай эришиу, гюнях этгеннге къаллай айып бериу чыгъаргъанды! Бу ишде хар не жаны бла да сиз кесигизни таза этип кёргюзтгенсиз.

II Коринфлилеге 9:10

Урлукъ себиучюге урлукъ Бериучю эм ашаргъа ётмек Бериучю, сизни сепгенигизге элпеклик берир эм сизни тюзлюгюгюзню хайырын кёп этер.

Эфеслилеге 5:9

Нек десегиз Нюрню битими хар тюрлю игиликде, тюзлюклюлюкде эм кертиликде кёрюнеди.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

I Фесалоникачылагъа 2:7

Биз, Масихни абустоллары кибик, сизден болушлукъ излерге боллукъ эдик, алай а, ана гитче сабийлерине ариу къарагъанча, сизни арагъызда алай жууаш болгъанбыз.

I Тимотейге 5:21

Аллахны, Раббий Масих Иссаны эмда сайланнган мёлеклени аллында сенден бек тилейме, бу буйрукъларымы, биреуге терс къарау бла неда жакъ басыу бла бир зат да этмей толтур.

II Тимотейге 2:24

Раббийни къулуна уа къаугъачы болургъа жарамайды, алай а барына да жумушакъ, юйретирге билген, тёзюмлю болургъа,

Титге 1:15

Тазалагъа хар зат да тазады; харам болгъанлагъа бла иймансызлагъа уа таза зат жокъду, алай а аланы акъыллары да, жюреклери да харам болгъандыла.

Титге 3:2

Бир кишиге да аман айтмазгъа, тырманчыла болмазгъа, алай а тынчла болургъа эм битеу адамлагъа хар тюрлю сабырлыкъ этерге ийманлыланы эслерине сал.

Чюйютлелеге 12:11

Хар азап, эндиги заманда къууанч тюйюл, жарсыуча кёрюнеди. Артда уа аны юсю бла юйреннгенлеге тюзлюклюлюкню ырахатлыкъ тирлигин береди.

Чюйютлелеге 12:14

Битеу адамла бла жарашыулу жашаргъа эмда сыйлы болургъа кюрешигиз; сыйлы болмаса, бир киши да Раббийни кёрлюк тюйюлдю.

Якъуп 1:17

Хар берилген ахшылыкъ эм хар тамамлы саугъа, огъартындан, кёкледеги жарыкъланы жаратхан Атадан келеди; Аны уа алышыныуу эм не аз да тюрлениую жокъду.

Якъуп 1:5

Сизде акъылманлыгъы жетишмеген адам а барысына да гурушхасыз чомарт бериучю Аллахдан тилесин, анга берилир.

Якъуп 2:13

Нек десегиз мархамат этмегеннге мархаматсыз сюд этилликди, мархамат этмеклик сюдню хорлайды.

Якъуп 2:4

Сора сиз кеси арагъызда айырыу этмеймисиз эм терс акъыллы сюдюле болмаймысыз?

Якъуп 3:15

Бу огъартындан келген акъылманлыкъ тюйюлдю, алай а дунияданды, нафысданды, жинледенди.

Якъуп 4:8

Аллахха жууукълашыгъыз, Аллах да сизге жууукълашыр. Гюняхлыла, къолларыгъызны тазалагъыз, экили болуучула, жюреклеригизни тюзетигиз.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,

I Петер 2:18

Къулла, тамам хурмет этиу бла бийлеригизге боюн салыгъыз, жаланда игилерине бла сабырларына тюйюл, алай а къатыларына да.

I Ахия 3:18

Сабийлерим! Сёз бла неда тил бла тюйюл, алай а иш бла эм кертилик бла сюейик.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.