Якъуп 2:21 - Сыйлы Инжил бла Забур

²¹ Бизни атабыз Ибрахим, жашы Исхакъны къурман этерге ташны юсюне салып, ишлери бла ариуланмагъанмыды?

Якъуп 2:21 Iomraidhean Croise

Забур 143:2

Мархамат этиучюм эм жакълаучум, мени ышыгъым эм къутхарыучум, мени къоруулаучум Олду. Мен Анга ышанама, Ол мени халкъымы манга бойсундурады.

Маттай 12:37

Нек десенг кесинги сёзлеринг бла ариуланырыкъса эм кесинги сёзлеринг бла терсленириксе», – деди.

Маттай 3:9

Жюрегигизде: „Бизни атабыз Ибрахимди“ деп ойламагъыз; нек десегиз Аллах Ибрахимге сабийле бу ташладан да болдураллыкъды деп айтама сизге.

Лука 1:73

(Бу кесамат) Ол бизни атабыз Ибрахимге этген антды.

Лука 16:24

Эмда къычырыкъ этип: „Ибрахим ата! Манга жазыкъсынып Лазарьны жибер да, ол, бармагъыны къыйырын суугъа жетдирип, мени тилими сериуюн этсин; мен бу жаннган отда азап чегеме“ дегенди.

Лука 16:30

Ол а: „Угъай, Ибрахим ата! Алагъа ёлгенледен биреу келсе уа, тобагъа къайтышырла“ дегенди.

Ахия 8:39

Анга жууапха: «Бизни атабыз Ибрахимди», – дедиле. Исса алагъа: «Сиз Ибрахимни сабийлери болсагъыз эди, сора Ибрахимни этген ишлерин этер эдигиз.

Ахия 8:53

Огъесе Сен, бизни атабыз Ибрахимден уллумуса? Ол а ёлгенди, файгъамбарла да ёлгендиле. Сен Кесинги кимге санайса?» – дедиле.

Ишлери 7:2

Истефан а былай сёлешди: «Къарындашла эм атала, тынгылагъыз! Атабыз Ибрахим Хараннга кёчгюнчю, Месопотамияда жашагъан заманында, махтаулу Аллах анга кёрюнюп:

Римлилеге 3:20

Ол себепден Законну буюргъанларын этиу бла, Аллахны аллында, бир адам да ариуланырыкъ тюйюлдю, нек десегиз гюнях Закон бла билинеди.

Римлилеге 4:1

Алай бла бизни атабыз Ибрахимни сынагъаныны юсюнден не айтайыкъ?

Римлилеге 4:12

Алай бла атабыз Ибрахим, жаланда сюннетлилени аталары болуп къалмай, алай а анга сюннет этилгинчи ол тутхан ийманны ызындан баргъан сюннетлилени да аталары болгъанды.

Римлилеге 4:16

Алай бла ант сёз Аллахны шафауатына таянсын эм, Ибрахимни битеу туудукълары ючюн ышаннгылы болсун деп, ийманнга кёре болады. Ибрахимни туудукълары, Законнга ышанып къалмай, алай а алада Ибрахимни ийманы болгъан адамладыла.

Чюйютлелеге 11:17

Ийманы бла Ибрахим сыналгъан заманында Исхакъны къурманнга келтиргенди. Ант сёз берилген Ибрахим жангыз уланын къурман эте эди.

Якъуп 2:18

Алай а биреу: «Сени ийманынг барды, мени уа ахшы ишлерим барды», – деп айтыргъа болур. Сен ахшы ишсиз ийманынгы манга кёргюзт, мен а ахшы ишлерим бла ийманымы санга кёргюзтейим!

Якъуп 2:24

Кёремисиз, адам жалан ийман бла тюйюл, этген ишлери бла ариуланнганын?