Якъуп 2:20 - Сыйлы Инжил бла Забур

²⁰ Алай болгъанлыкъгъа ийнаныу ахшы ишсиз, файдасыз болгъанын билирге сюймеймисе, тутхучсуз адам?

Якъуп 2:20 Iomraidhean Croise

Римлилеге 1:21

Алай а ала, Аллахны биле тургъанлай, Анга, Аллахха тийишлисича махтау салмагъанлары эм шукур этмегенлери себепли, кеслерин магъанасыз ойлашыулагъа бергендиле эм аланы ангылаусуз жюреклерин къарангылыкъ басханды.

Римлилеге 3:28

Нек десегиз адам, Законну буюргъанларын этиу бла тюйюл, ийман бла ариуланнганын биз билебиз.

Римлилеге 9:20

Адам, сен а кимсе, Аллах бла даулашырча? Ишленнген зат аны ишлегеннге: «Сен мени былай нек этдинг?» – деп айтырмы?

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Галатиялылагъа 6:3

Нек десегиз сансыз адам болгъанынлай, кесин бир затха санагъан адам, кесикесин алдайды.

Колослулагъа 2:8

Къарындашла, сакъ болугъуз, Масиххе кёре тюйюл, адамланы адетлерине эм бу дунияны башланнгыч жорукъларына кёре, философия бла эм бош терилтиучю сёзле бла сизни бир киши да жесир этмесин.

I Тимотейге 1:6

Бир къауумла, уа быланы къоюп, бош жаншаугъа тайгъандыла.

Титге 1:10

Нек десенг боюн салмагъанла да кёпдюле, бош сёзлюле эм ётюрюкчюле, бегирек да сюннетлиледен.

Якъуп 1:26

Сизден биригиз да, кесин дин ахлу сунуп, тилин а тыймай, кесини жюрегин алдай эсе уа, аны дин ахлулугъу бошду.

Якъуп 2:17

Ийман да алай, ахшы ишлери жокъ эсе, кеси-кесинлей ёлюдю.

Якъуп 2:26

Нек десегиз, сан нюрсюз ёлю болгъаны кибик, ийнаныу да ахшы ишсиз ёлюдю.