Якъуп 1:25 - Сыйлы Инжил бла Забур

²⁵ Тамамлы законнга, азатлыкъны законуна тюшюнюп, аны толтургъан адам а, ол тынгылап унутуучу тюйюл, ишни толтуруучу болса, алай этиую бла насыплы боллукъду.

Якъуп 1:25 Iomraidhean Croise

Забур 106:3

Эмда къыралладан, кюн чыкъгъандан эм кюн батхандан, шималдан эм къыбыладан жыйгъанды.

Лука 11:28

Исса уа: «Андан да тюзю, Аллахны сёзюне тынгылап, аны сакълагъанла насыплыдыла», – деди.

Ахия 13:17

Быланы биле эсегиз, толтурсагъыз, сиз насыплысыз».

Ахия 8:36

Алай бла, Улан сизни азат этсе, керти азат боллукъсуз.

Ишлери 13:43

Жыйылыу чачылгъандан сора уа, кёп иудейлиле да, иудей диннге къайтышып, Аллахха табыннган башха миллетлиле да Пауулну бла Барнабаны ызындан бардыла; ала уа, бу адамла бла ушакъ этип аланы, таймай Аллахны шафауатында турургъа ийнандырдыла.

Ишлери 2:42

Ала, кеслерин тохтаусуз абустолланы юйретиулерине берип, къарындашлыкъ бирликде, ётмек сындырыуда эм тилек этиуде тура эдиле.

Ишлери 26:22

Алай а, бюгюннге дери да мен Аллахдан болушлукъ алып, гитчеге да, уллугъа да шагъатлыкъ этип турама. Мени айтханларым файгъамбарла да, Муса да, ол боллукъду деп, алгъындан хапар берген затладан башха зат тюйюлдю.

Римлилеге 11:22

Алай бла Аллахны ахшылыгъын эм къатылыгъын кёресе. Ол тайып къалгъанлагъа къатыды; санга уа, Аны ахшылыгъында турсанг, ахшылыкълыды; турмасанг а, сен да кесилип тюшериксе.

Римлилеге 2:13

Нек десегиз Аллахны аллында тюзлюклю болгъанла Законну эшитгенле тюйюлдюле, алай а Законну тутханла тюзге саналлыкъдыла.

Римлилеге 7:12

Ол себепден Закон сыйлыды, фарыз да сыйлыды, тюзлюклюдю эм хайырлыды.

Римлилеге 8:15

Нек десегиз энтда къоркъуп жашарча сиз къул болур нюрню алмагъансыз, алай а уланлыкъны Нюрюн алгъансыз. Ол Нюр бла уа: «Абба, Ата!» – деп чакъырабыз.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

I Коринфлилеге 15:58

Алай бла, эй сюйюлюннген къарындашларым, къаты, деменгили болугъуз, хар заманда да Раббийни ишинде жетишимли болугъуз; Раббийни жолунда урунууугъуз бошуна болмагъанын билигиз.

II Коринфлилеге 13:5

Сиз иймандамысыз – кесигиз-кесигизни сынагъыз, кесигиз-кесигизни тинтип къарагъыз. Масих Иссаны сизде болгъанын сиз кесигиз билмеймисиз? Алай болмаса, сиз сыналыугъа чыдаялмай къалыр эдигиз.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 5:1

Алай бла бизге Масих берген азатлыкъда туругъуз эм энтда жангыдан къул болууну боюнсасын боюнугъузгъа такъмагъыз.

Галатиялылагъа 6:2

Бир-биригизни къыйынлыгъын кётюрюгюз, алай бла Масихни Законун толтурурсуз.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

I Тимотейге 2:15

Алай болгъанлыкъгъа тиширыу оюмлулукъ бла ийманда, сюймекликде эмда сыйлылыкъда турса, Сабийни табыууну юсю бла къутхарыллыкъды.

I Тимотейге 4:16

Кесинги да, сен юйретген окъууну да тинтип ойлап къара эмда ол окъуугъа тюз бол. Алай этсенг, кесинги да, санга тынгылагъанланы да къутхарлыкъса.

Чюйютлелеге 12:15

Сакъ болугъуз, бир киши да Аллахны шафауатындан къуру къалмасын, бир тюрлю ачы тамыр чыгъып, заран этмесин эм кёплени харам этмесин.

Якъуп 2:12

Азатлыкъны закону бла сюд этилликлеча айтыгъыз эм алай этигиз.

I Петер 2:16

Азатлача жашагъыз; азатлыкъны, аман ишлени жашырыр ючюн жюрютгенлеча тюйюл, алай а Аллахны къулларыча жашагъыз.

I Ахия 2:24

Алай бла, ауалдан эшитгенигиз сизде болуп турсун; ауалдан эшитгенигиз сизде болуп турса уа, сора сиз да Уланда эм Атада болуп турурсуз.

Билим Ачханы 14:13

Сора мен: «Былай жаз: мындан арысында Раббийге ийнаныулары бла ёлгенле насыплыдыла!» – деп кёкден манга айтхан ауазны эшитдим. «Алайды, – дейди Нюр, – Ала урунууларын бошап тынчайырыкъдыла, аланы этген ишлери да аланы ызларындан барлыкъдыла».

Билим Ачханы 22:14

Аланы жашау терегине эркинликлери болур ючюн эм шахаргъа къабакъла бла кирир ючюн, кеслерини кийимлерин жуугъанла насыплыдыла.