Якъуп 1:21 - Сыйлы Инжил бла Забур

²¹ Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

Якъуп 1:21 Iomraidhean Croise

Забур 25:9

Мени жанымы гюняхлыла бла, жашаууму къан ичиучюле бла жойма,

Маттай 5:5

Жууашла насыплыдыла; нек десегиз ала жерни иелери боллукъдула.

Ахия 6:63

Жашау берген нюрдю; чарх бир файда этмейди. Мен сизге айтхан сёзле нюр эм жашаудула;

Ахия 6:68

Шимон Петер Анга: «Раббий! Биз кимге барайыкъ? Ёмюрлюк жашауну сёзлери Сендедиле.

Ишлери 10:33

Ол сагъатдан мен санга адамла ийдим, сен да келгенинги иги этдинг. Энди уа биз барыбыз да Аллахны аллында турабыз, санга Аллахдан айтыргъа буюрулгъанланы барысына да тынгыларгъа хазырбыз», – деди.

Ишлери 13:26

Къарындашла, Ибрахимни тукъумуну сабийлери эмда сизни арагъызда Аллахдан къоркъгъанла! Бу къутхарыу сёз сизге ийилгенди.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 11:17

Бутакъладан бир бёлеги сыннган эселе уа, сен а, кийик зейтун терек, аланы жерлерине жалгъанып, зейтун терекни тамырына бла суууна ала бла бирча къошулгъан эсенг,

Римлилеге 6:17

Алай а сиз алгъын гюняхны къуллары болгъан эсегиз да, энди уа сиз кесигизни анга берген окъууну юйретиуюне таза жюрекден тынгылаучу болгъаныгъыз ючюн Аллахха шукур!

I Коринфлилеге 15:2

Мен сизге берген Хайыр Хапарны мен юйретгенча тута эсегиз, сиз аны бла къутхарыласыз. Алай тюйюл эсе уа сизни ийман салгъаныгъыз бошунады.

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 4:22

Алай бла, алдаулу кюсеуледен чирий тургъан эски адамлыгъыгъызны алгъыннгы жашау халын къоюгъуз,

Эфеслилеге 4:25

Ол себепден, ётюрюкню къоюп, хар ким кесини жууугъуна кертини айтыгъыз; нек десегиз биз барыбыз да бир чархны санларыбыз.

Эфеслилеге 5:4

Аны кибик сылыкъ сёзлюлюк, бош сёзлюлюк эм адепсиз кюлкючюлюк сизге ушагъылы тюйюлдюле, андан эсе заманыгъызны Аллахха шукур этиуге беригиз.

I Фесалоникачылагъа 1:5

Нек десегиз бизни сизге Хайыр Хапарны жайгъаныбыз жаланда сёз бла болуп къалмагъанды, алай а кюч бла эм Сыйлы Нюр бла эм толу ышаныу бла болгъанды; биз сизни ючюн сизни арагъызда къалай болгъаныбызны сёзсюз сиз кесигиз билесиз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

Титге 2:11

Нек десенг Аллахны битеу адамланы къутхаргъан шафауаты ачыкъ болгъанды.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.

Чюйютлелеге 2:3

Аллай уллу къутхарыуну сансыз эте эсек, энди биз азапдан къалай къутулурбуз? Ол къутхарыуну бек алгъа Раббий Кеси билдиргенди, бизге да муну Андан кеслери эшитгенле айтып ийнандыргъандыла.

Чюйютлелеге 4:2

Нек десегиз къутхарылыуну юсюнден Хайыр Хапар алагъа билдирилгени кибик, бизге да билдирилгенди; алай а ала эшитген сёзню ийман бла къабыл этмегенлери себепли, ол сёз алагъа файда бермегенди.

Якъуп 4:8

Аллахха жууукълашыгъыз, Аллах да сизге жууукълашыр. Гюняхлыла, къолларыгъызны тазалагъыз, экили болуучула, жюреклеригизни тюзетигиз.

Якъуп 5:20

Гюняхлыны жалгъан жолундан къайтаргъан адам аны жанын ёлюмден къутхаргъанын эм кёп гюняхларын кечдиргенин билсин.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 1:9

Алай бла ийманыгъызны муратына – жанларыгъызны къутхарылыууна жетесиз.

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз