Якъуп 1:19 - Сыйлы Инжил бла Забур

¹⁹ Алай бла, сюйюлюннген къарындашларым, хар адам эшитирге терк, сёз айтыргъа сабыр, ачыуланыргъа да сабыр болсун;

Якъуп 1:19 Iomraidhean Croise

Маттай 5:22

Мен а сизге: кесини къарындашына керексиз ачыуланнган хар адамгъа, сюд этилирге тийишлиди деп айтама; кесини къарындашына: „Ракъа“, деген адам а синедрионнга тийишлиди; „Акъылсыз“ деген адам а жаханим отуна тийишлиди.

Марк 12:37

Алай бла Дауут кеси Анга Бий дейди: сора Ол Дауутну уланы къалай болур?» – деди. Кёп халкъ да Анга зауукъ этип тынгылай эди.

Марк 2:2

Олсагъат кёпле жыйылдыла, алай бла энди эшиклени къатында да жер къалмады. Ол алагъа Аллахны Сёзюн айта эди.

Лука 15:1

Иссагъа тынгылар ючюн битеу жасакъ жыйыучула бла гюняхлыла Анга жууукълаша эдиле.

Лука 19:48

Алай а Анга не этерге билмей эдиле, нек десегиз битеу халкъ Анга къулакъ салып тынгылай эди.

Ишлери 1:15

Ол кюнледе Петер, жюз жыйырма чакълы сохта жыйылгъан бир жыйылыуну арасында туруп:

Ишлери 10:33

Ол сагъатдан мен санга адамла ийдим, сен да келгенинги иги этдинг. Энди уа биз барыбыз да Аллахны аллында турабыз, санга Аллахдан айтыргъа буюрулгъанланы барысына да тынгыларгъа хазырбыз», – деди.

Ишлери 13:48

Башха миллетлиле, муну эшитип, къууана эдиле эм Раббийни сёзюне махтау сала эдиле эмда ёмюрлюк жашаугъа буюрулгъанла барысы да ийнандыла.

Ишлери 17:11

Мындагъыла уа фесалоникачыладан эсе тюз оюмлу эдиле; бу алаймыды деп, хар кюн сайын Сыйлы Китаплада жазылгъанлагъа тинтип къарап, Аллахны сёзюн кёл салып къабыл этдиле.

Ишлери 2:42

Ала, кеслерин тохтаусуз абустолланы юйретиулерине берип, къарындашлыкъ бирликде, ётмек сындырыуда эм тилек этиуде тура эдиле.

Эфеслилеге 4:26

Ачыуланып гюнях этмегиз. Сизни ачыуланыуугъузда кюн батмасын.

Эфеслилеге 4:31

Хар тюрлю дерт тутуу, къутуруу, ачыуланыу, къычырыу, аман сёлешиу эмда хар тюрлю аман ниет сизден къорасынла;

Колослулагъа 3:15

Сизни жюреклеригизде Аллахны ырахатлыгъы бийлик этсин. Сиз да, бир чархны санлары болуп, ол ырахатлыкъгъа чакъырылгъансыз. Шукур этиучюле болугъуз.

Колослулагъа 3:8

Энди уа сиз ачыуланыу, къутуруу, аман ниет, аман айтыу, ауузугъуздан чыкъгъан адепсиз сёзле кибик затланы барын да къоюгъуз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

Якъуп 1:16

Сюйюлюннген къарындашларым, алданмагъыз:

Якъуп 1:2

Къарындашларым, тюрлю сыналыулагъа тюшген заманыгъызда, аны уллу къууанч бла къабыл этигиз.

Якъуп 1:26

Сизден биригиз да, кесин дин ахлу сунуп, тилин а тыймай, кесини жюрегин алдай эсе уа, аны дин ахлулугъу бошду.

Якъуп 2:1

Къарындашларым! Бизни махтаулу Раббийибиз Масих Иссагъа ийнаныуугъуз, адамлагъа бет этип къарамай болсун.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

Якъуп 3:10

Бир аууздан алгъыш да, къаргъыш да чыгъады. Къарындашларым, ол алай болургъа керек тюйюлдю.

Якъуп 4:11

Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.

Якъуп 5:12

Барындан да алгъа уа, къарындашларым, не кёк бла, не жер бла неда башха бир тюрлю ант бла ант этмегиз; алай а сиз терсликге тюшмез ючюн, сизни сёзюгюз «хау, хау» эм «угъай, угъай» болсун.

Якъуп 5:19

Къарындашла! Сизден биреу хакъ кертиден тайып, аны уа ким къайтарса да,

I Ахия 2:21

Мен сизге сиз хакъ кертини билмейсиз деп жазмагъанма, алай а сиз аны билесиз, бир ётюрюк да хакъ кертиден болмагъанын билесиз деп жазгъанма.