Якъуп 1:18 - Сыйлы Инжил бла Забур

¹⁸ Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

Якъуп 1:18 Iomraidhean Croise

Ахия 1:13

Ала уа не къандан, не чархны сюйгенинден, не эрни сюйгенинден тюйюл, алай а Аллахдан туугъандыла.

Римлилеге 4:17

Китапда: «Мен сени кёп миллетлеге атагъа салгъанма», – деп жазылгъаны кибик, Ибрахим, ол ийнаннган Аллахны, ёлгенлеге жашау бериучю эмда болунмагъанланы болуннганланыча чакъырыучу Аллахны аллында бизни барыбызны да атабызды.

I Коринфлилеге 4:15

Нек десегиз сизни Масихни жолунда минг устазыгъыз бар эсе да, аталарыгъыз а кёп жокъду. Сизге Хайыр Хапарны билдириуюм бла Масих Иссада сизни мен туудургъанма.

II Коринфлилеге 6:7

Хакъ керти сёзде, Аллахны кючю бла, онг эм сол къолларыбызда тюзлюкню сауутлары бла,

Эфеслилеге 1:12

Алай бла биз, Масиххе эрттеден ышаннганла, Аллахны аламатлыгъына махтау салыныр ючюн жашайыкъ.

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

II Тимотейге 2:15

Хакъ керти сёзню тюз юйретип, кесинги Аллахха тийишли, ыйлыгъыр бир заты да болмагъан ишлеучюча тапдырыргъа кюреш.

Чюйютлелеге 12:23

Кёкледе атлары жазылгъан тюнгючлени къууанч этген жыйылыууна эм жамауатына, барыны да Сюдюсю Аллахха, тамамлыкъгъа жетишген тюзлюклюлени нюрлерине,

Якъуп 1:15

Талпыу да, балаланып, гюнях туудурады, этилген гюнях а ёлюм туудурады.

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

Якъуп 3:14

Сизни жюрегигизде ачы зарлыкъ эмда эгоистлик бар эсе уа, махтанмагъыз эм хакъ кертиге жалгъан айтмагъыз:

I Петер 1:23

Сиз чиририк урлукъдан тюйюл, алай а чиримезлик урлукъдан, Аллахны керти эм ёмюрде да болуп турлукъ сёзюню юсю бла жангыдан туугъанласыз.

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Ахия 3:9

Аллахдан туугъан адам гюнях этмейди, нек десегиз Аны урлугъу ол адамда болуп турады; Аллахдан туугъаны себепли ол гюнях этерге болаллыкъ тюйюлдю.

Билим Ачханы 14:4

Бу адамла кеслерин къатынла бла харам этмегенледиле; нек десегиз ала таптаза адамладыла. Ала, Къозу къайры барса да, Аны ызындан баргъанладыла. Ала, Аллахха бла Къозугъа тюнгючлеча, адамланы арасындан сатып алыннгандыла.