Яхуда 1:4 - Сыйлы Инжил бла Забур

⁴ Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Яхуда 1:4 Iomraidhean Croise

Забур 1:1

Аман адамланы оноуларында жюрюмеген эм гюняхлыланы жолунда турмагъан эмда хыликкя этиучюлени жыйылыуларында олтурмагъан киши насыплыды!

Забур 62:2

Аллах! Мени Аллахым Сенсе, Сени танг жарыгъындан излейме мен. Къуругъан, битимсиз эм суусуз жерде мени жаным Санга термиледи, мени чархым Сени кюсейди.

Маттай 13:25

Адамла жукълагъан заманда уа, аны душманы, келип, будай арасында аман хансла себип кетди.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

Ишлери 11:23

Сыйлы Нюрден бла иймандан толгъан, огъурлу адам Барнаба, Антиохиягъа келгенинде ол адамлада Аллахны шафауатын кёрюп къууанды.

Ишлери 15:24

Бизден бир къауумла барып, сизге сюннет этилирге эм Тауратны жорукъларын тутаргъа керекди деп, сизни жунчутуп, жюреклеригизни арсар этгенлерин эшитгенбиз. Биз алагъа алай этерге буйрукъ бермеген эдик.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 5:13

Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

I Тимотейге 5:8

Кесиникилеге эм бегирек да юйдегилерине къайгъырмагъан адам а, иймандан чыкъгъанды эм иймансыздан да аманды.

II Тимотейге 2:12

Тёзе эсек, Аны бла патчахлыкъ этерикбиз; Аны инкяр этсег’а, Ол да бизни инкяр этерикди.

II Тимотейге 3:6

Юйлеге жашыртын кирип, гюняхларында батып тургъан, тюрлю кюсеулери бла жюрюген,

I Петер 2:16

Азатлача жашагъыз; азатлыкъны, аман ишлени жашырыр ючюн жюрютгенлеча тюйюл, алай а Аллахны къулларыча жашагъыз.

I Петер 2:8

Аллахны Сёзюне боюн салмагъанлай, ала анга абынадыла. Ала бу абыныугъа буюрулгъандыла.

I Петер 4:18

Тюзлюклю да кючден къутула эсе, сора аллахсыз бла гюняхлы уа къайда боллукъду?

II Петер 2:10

Бегирек да гюняхлы табийгъатлары кюсеген харам ишлерини ызындан баргъанланы, Раббийни буйругъун сан этмегенлени, бетсизлени, бурушакъыл адамланы, махтаулулагъа аман айтыргъа къоркъмагъанланы, къыямат кюннге, азап берирге къалай сакъларгъа биледи.

II Петер 2:7

Адепсизлик этген адамланы саякълыкъларындан азиятлыкъ чекген тюзлюклю Лутну уа къутхаргъан эсе –

II Петер 3:7

Эндиги кёкле бла жер а, отха берилир ючюн, Аллахны ол сёзю бла сакъланып, аллахсыз адамлагъа сюд этилир эм аланы жоюлур кюнлерине дери тутулуп турадыла.

I Ахия 2:22

Иссаны Масих болгъанын къабыл этмей къойгъан адам ётюрюкчю тюйюл эсе, ётюрюкчю кимди? Атаны да, Уланын да къабыл этмеген Масиххе къаршчы олду.

Яхуда 1:15

Барына да сюд этерикди эм Аллахны жолуна къажау болуп аллахсызлыкъ бла этилген битеу аман ишле ючюн эм аллахсыз гюняхлыла Анга къажау айтхан битеу къаты сёзле ючюн араларында болгъан аллахсызланы барына да терсликлерин кёргюзтюрюкдю», – дегенди.

Яхуда 1:18

«Ахыр заманда кеслерини аллахсыз талпыуларын этиучю, хыликкя этиучюле чыгъарыкъдыла», – деп ала сизге айтхандыла.

Билим Ачханы 15:4

Я Раббий! Сенден къоркъмазлыкъ эм Сени атынга махтау салмазлыкъ кимди? Нек десенг таза сыйлы жангыз Сенсе. Битеу миллетле, келип, Сени аллынгда сеждагъа барлыкъдыла; нек десенг Сени сюдлеринг ачыкъ болгъандыла», – дейдиле.