Яхуда 1:25 - Сыйлы Инжил бла Забур

²⁵ Бизни Къутхарыучубуз терен акъыллы бир Аллахха, бизни Раббийибиз Масих Иссаны юсю бла махтау да, уллулукъ да, кюч да, власть да, битеу ёмюрледен алгъа да, энди да эм битеу ёмюрледе да болсун! Амин.

Яхуда 1:25 Iomraidhean Croise

Забур 104:24

Сора Аллах Кесини халкъын бек кёп этгенди эмда аны душманларындан эсе кючлю этгенди.

Забур 147:5

Жюнча къар береди, кюлча къырпакъ себеди.

Маттай 6:13

Эмда бизни терилиуге тюшюрме, алай а бизни хыйлачыдан къутхар; нек десенг Патчахлыкъ да, кюч да, махтау да ёмюрлеге да Сениди. Амин“.

Лука 1:47

Мени Къутхарыучу Аллахыма мени нюрюм къууанады.

Ахия 4:22

Сиз билмегенигизге табынасыз, биз а билгенибизге табынабыз; нек десенг къутхарыу иудейлиледенди.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Римлилеге 11:33

Эй, Аллахны байлыгъы, терен акъыллылыгъы эм билими къалай чексиз уллуду! Аны къадарлары акъылгъа сыйынмазча, Аны жоллары да тинтип билмезча къалай сейирликдиле!

Римлилеге 11:36

Нек десегиз хар неда Анданды, Аны юсю блады эмда Аны ючюндю. Ёмюрледе да махтау Анга болсун. Амин.

Эфеслилеге 1:8

Масихни юсю бла, Аны къаны бла биз жулуннганбыз, гюняхларыбыздан кечилгенбиз.

Эфеслилеге 3:10

Аллах, Кесини кёп тюрлю акъылманлыгъы энди Жамауатыны юсю бла кёкледеги башчылагъа бла властьлагъа белгили болур ючюн, алай этгенди.

Эфеслилеге 3:21

Жамауатында эм Масих Иссада битеу туудукълада, ёмюрден ёмюрге ыспас-махтау болсун! Амин.

I Тимотейге 1:17

Ёмюрлени Патчахына, ёлмезлик, кёрюнмеген, терен акъыллы бир Аллахха уа хурмет да, махтау да ёмюрледен ёмюрлеге болсун! Амин.

I Тимотейге 2:3

Нек десегиз ол игиди эм бизни Къутхарыучу Аллахыбыз анга ыразыды.

Титге 2:10

Урламазгъа, алай а толу ышаннгылы болгъанларын кёргюзтюрге тюшюндюр. Бизни Къутхарыучубуз Аллахны юйретиую къалай аламат болгъаны хар не жаны бла кёрюнюр ючюн, ала алай этсинле.

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Титге 3:4

Бизни Къутхарыучубуз Аллахны ахшылыгъы эм адам сюймеклиги келген заманда уа,

Чюйютлелеге 13:8

Масих Исса тюрленмейди, тюнене да, бюгюн да эм ёмюрде да Ол Кесиди.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

Билим Ачханы 1:6

Эм бизни Кесини Атасы Аллахха къуллукъ этиуде патчахла эм дин къуллукъчула этген Масиххе ёмюрледен ёмюрлеге махтау эм къудурет болсун! Амин.