Яхуда 1:24 - Сыйлы Инжил бла Забур

²⁴ Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,

Яхуда 1:24 Iomraidhean Croise

Забур 21:6

Ала къычырыкъ этип Сенден тилек этгендиле эмда къутхарылып тургъандыла; Санга ышаннгандыла эмда ыйлыгъыуда къалмагъандыла.

Забур 43:4

Аталарыбыз жерни кеслерини къылычлары бла алмагъандыла эмда аланы, кеслерини билек кючлери къутхармагъанды, алай а Сени онг къолунг эм Сени билек кючюнг эмда Сени бетинги жарыгъы къутхаргъанды; нек десенг Сен аланы иги кёргенсе.

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Маттай 25:31

«Адам Улу Кесини аламатлыгъында, битеу сыйлы мёлеклери бла келген заманында, Ол Кесини аламат тахтасына олтурлукъду.

Маттай 5:12

Сюйюнюгюз эмда къууанч этигиз; кёкледе сизни аллыкъ саугъагъыз уллуду. Сизден алгъын болгъан файгъамбарлагъа да алай зулму этгендиле».

Лука 9:26

Нек десенг Менден эм Мени сёзлеримден ким ыйлыкъсынса да, Адам Улу да, Кесини, Атасыны эмда сыйлы мёлеклени аламатлыгъы бла келгенинде, ол адамдан ыйлыкъсынырыкъды.

Римлилеге 14:4

Кимсе сен, башханы къулун терслеген? Къулну ариулагъан да, терсге санагъан да кесини бийиди. Эмда къул тюз болуп чыгъарыкъды, нек десенг аны ариуларгъа Аллахны кючю барды.

Римлилеге 8:31

Сора анга не айтайыкъ? Аллах бизни жанлы эсе, кимди бизге къажау болаллыкъ?

II Коринфлилеге 11:2

Мен сизни ючюн Аллахны эришиую бла эришеме; нек десегиз мен сизден бир эрге, Масиххе сёз тауусдургъанма, сизни Аны аллына таза къызлай тапдырыр ючюн кюрешеме.

II Коринфлилеге 4:14

Нек десегиз Раббий Иссаны тиргизген Аллах Иссаны юсю бла бизни да тиргизиригин эм сизни бла бирге Кесини аллына саллыгъын билебиз.

II Коринфлилеге 4:17

Нек десегиз бизни бир кесек заманнга азчыкъ къыйналгъаныбыз бизге мардасыз кёп ёмюрлюк махтау чыгъарады.

Эфеслилеге 3:20

Бизде жюрюген кючю бла, бизни тилегенибизден да неда ойлашыуубуздан да бек аламат кёп эталлыкъ Аллахха,

Эфеслилеге 5:27

Аны тамгъасы неда кемлиги, неда аны кибик бир заты болмай, алай а ол сыйлы эм айыпсыз болсун деп, аны Кесини аллына махтаулу Жамауат этип салыр ючюн, Кесин къурманнга бергенди.

Колослулагъа 1:22

Энди уа Масих, сизни сыйлы, бузукъсуз эм терсликсиз этип Аллахны аллына чыгъарыр ючюн, Кесини эт чархыны ёлюмю бла сизни Аллах бла жарашдыргъанды.

Колослулагъа 1:28

Биз да Масихни билдиребиз; хар адамны Масих Иссаны юсю бла тамам этип, Аллахны аллына чыгъарыр ючюн, хар адамгъа насийхат беребиз, хар адамны да хар тюрлю акъылманлыкъгъа юйретебиз.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

II Тимотейге 4:18

Раббий мени хар аман ишден да къутхарлыкъды эм Кесини Кёкдеги Патчахлыгъына сакъларыкъды. Анга махтау ёмюрледен ёмюрлеге болсун. Амин.

Якъуп 2:10

Тауратны барын да тутуп, жангыз бир затдан гюнях этген адам битеу Тауратха терс болады.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.

II Петер 1:10

Ол себепден, къарындашла, чакъырылыуугъузну эм сайланыуугъузну къаты этерге бекден-бек кюрешигиз. Алай этсегиз, бир заманда да тентиремезсиз.

Яхуда 1:21

Бизни Раббийибиз Масих Иссаны сизни ёмюрлюк жашаугъа жетдирлик мархаматын сакълап, кесигизни Аллахны сюймеклигинде тутугъуз.

Билим Ачханы 14:5

Аланы ауузларында хыйлалыкъ жокъду, Аллахны тахтасыны аллында ала айыпсыздыла.