Яхуда 1:21 - Сыйлы Инжил бла Забур

²¹ Бизни Раббийибиз Масих Иссаны сизни ёмюрлюк жашаугъа жетдирлик мархаматын сакълап, кесигизни Аллахны сюймеклигинде тутугъуз.

Яхуда 1:21 Iomraidhean Croise

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ахия 14:21

Мени фарызларымы алып, аланы тутхан адам, Мени сюеди; Мени сюйген адамны уа, Мени Атам сюерикди, Мен да аны сюерикме эмда анга Кесим кёрюнюрюкме», – деди.

Ишлери 11:23

Сыйлы Нюрден бла иймандан толгъан, огъурлу адам Барнаба, Антиохиягъа келгенинде ол адамлада Аллахны шафауатын кёрюп къууанды.

Римлилеге 5:21

Алай бла гюнях ёлюмню юсю бла бийлик этгени кибик, Аллахны шафауаты да, бизни Раббийибиз Масих Иссаны юсю бла ёмюрлюк жашау берир ючюн, тюзлюклюлюк бла бийлик этеди.

Римлилеге 5:5

Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Римлилеге 8:39

Не бийиклик, не теренлик, неда бир башха тюрлю жаратылгъан зат, бизни Раббийибиз Масих Иссада болгъан, Аллахны сюймеклигинден бизни айыралмазлыгъына мен толу ийнанама.

II Фесалоникачылагъа 3:5

Раббий а сизни жюреклеригизни Аллахны сюймеклигине эм Масихни тёзюмюне бурсун.

I Тимотейге 1:2

Ийманда керти уланым Тимотейге салам! Атабыз Аллахдан эм Раббийибиз Масих Иссадан санга шафауат, мархамат эм ырахатлыкъ болсун.

II Тимотейге 1:16

Онисифорну юйюрюне Раббий ахшылыкъ берсин; ол мени кёп кере тынчайтханды эм мени тутмакълыгъымдан ыйлыкъсынмагъанды.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

II Тимотейге 1:2

Сюйюлюннген уланым Тимотейге салам! Аллах Атадан эм Раббийибиз Масих Иссадан санга шафауат, мархамат, ырахатлыкъ болсун.

II Тимотейге 4:8

Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

II Петер 3:12

Аллахны кюнюню келирин сюйюп сакълап ашыкъдыргъанла? Ол кюнде уа къабындырылгъан кёкле бузуллукъдула эм табийгъатны затлары жанып эририкдиле.

I Ахия 4:16

Биз да Аллахны бизге болгъан сюймеклигин билгенбиз эм ол сюймекликге ийнаннганбыз. Аллах сюймекликди, сюймекликде жашагъан адам Аллахда жашайды, Аллах да ол адамда жашайды.

I Ахия 5:18

Аллахдан туугъан адам гюнях этмегенин биз билебиз; алай а Аллахдан туугъан Масих аны сакълайды, ибилис анга тиймейди.

I Ахия 5:21

Сабийле! Кесигизни идолладан сакълагъыз. Амин.

Яхуда 1:1

Масих Иссаны къулу эм Якъупну къарындашы мен Яхудадан, Аллах Ата сыйлы этген, Масих Исса сакълагъан, чакъырылгъанлагъа салам болсун!

Яхуда 1:22

Арсар болгъан бир къауумлагъа мархамат этигиз.

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.