Яхуда 1:17 - Сыйлы Инжил бла Забур

¹⁷ Сиз а, сюйюлюннгенле, бизни Раббийибиз Масих Иссаны абустоллары сизге алгъындан айтып билдирген сёзлени эсигизде тутугъуз:

Яхуда 1:17 Iomraidhean Croise

Ишлери 20:35

Мен этген хар ишде сизге, алай урунуп, къарыусузлагъа болушургъа эмда Раббий Иссаны Кеси: „Алгъандан эсе, берген насыплыды“ деп айтхан сёзюн эсде тутаргъа керек болгъанын кёргюзтгенме» деп сёлешди.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

Чюйютлелеге 2:3

Аллай уллу къутхарыуну сансыз эте эсек, энди биз азапдан къалай къутулурбуз? Ол къутхарыуну бек алгъа Раббий Кеси билдиргенди, бизге да муну Андан кеслери эшитгенле айтып ийнандыргъандыла.

II Петер 3:2

Сиз, алгъын сыйлы файгъамбарла айтхан сёзлени, сора Раббийни эм Къутхарыучуну, сизге абустолларыгъызны юсю бла берген фарызын эсигизде тутарыгъызны излейме.

I Ахия 4:6

Биз Аллахданбыз; Аллахны таныгъан бизге тынгылайды; Аллахдан болмагъан адам бизге тынгыламайды. Хакъ кертини Нюрюн эмда ажашыуну нюрюн а аны бла айырып таныйбыз.

Яхуда 1:3

Сюйюлюннгенле! Барыбыз да сынагъан къутхарылыудан сизге жазаргъа уллу къадалыуум болгъанлай да, мен, сизни сыйлылагъа бир кере берилген ийман ючюн кюреширге чакъырыр ючюн, жазаргъа кереклиге санайма.