Титге 3:8 - Сыйлы Инжил бла Забур

⁸ Бу сёз ышаннгылыды. Аллахха ийман салгъанла ахшы ишле этерге къадалыучула болур ючюн, сен бу затланы билдирип бегитиринги сюеме. Бу затла игидиле эм адамлагъа хайырлыдыла.

Титге 3:8 Iomraidhean Croise

Маттай 20:4

Алагъа да: „Келигиз сиз да мени жюзюм бахчама, сизге тийишлисин берирме“ деди. Ала бардыла.

Ахия 12:44

Исса уа, уллу айтып: «Манга ийнаннган, Манга тюйюл, Мени Ийгеннге ийнанады.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ишлери 12:15

Ала уа анга: «Сен акъылынгданмы шашханса?» – дедиле. Къыз а айтханындан таймай эди. Ала уа: «Ол аны мёлегиди», – дей эдиле.

Римлилеге 4:5

Ишлемеген, алай а аллахсызны Ариулаучугъа ийнаннган адамны уа ийманы тюзлюклюлюкге саналады.

II Коринфлилеге 4:13

Алай а, Китапда: «Мен ийнаннганма эм аны себепли айтханма», – деп жазылгъаны кибик, ийманны ол нюрю бизде болуп, биз да ийнанабыз эм аны себепли айтабыз.

Эфеслилеге 4:28

Урлагъан адам энди урламасын. Андан эсе, кесини къоллары бла хайыр этип, урунсун, керекли болгъан адамгъа да берир заты болсун.

I Тимотейге 1:15

«Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

I Тимотейге 2:8

Алай бла, эр кишиле хар жерде да, ачыуланыусуз эм ишеклениусюз таза жюреклилик бла къолларын ёрге тутуп тилек этерлерин сюеме.

I Тимотейге 5:10

Сабийлерин ёсдюрген эсе, къонакъбайлыкъ этген эсе, сыйлыланы аякъларын жуугъан эсе, къыйынлыкъда жашагъанлагъа болушхан эсе эм хар тюрлю ахшы ишни къадалып этген эсе, аны аты башсыз къатынланы дефтерине жазылсын.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

Титге 1:9

Башхаланы тюз юйретиу бла кёллендирирге эмда къажау тургъанланы тюшюндюрюрге кючю болур ючюн, кеси юйретилгенича, Аллахны ышаннгылы сёзюн къаты тутаргъа керекди.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Титге 2:7

Хар не жаны бла да кесингде ахшы ишле бла юлгю кёргюзт, устазлыгъынгда таза ниетли, тийишли, бузукъсуз бол.

Титге 3:1

Башчылагъа эмда властьлагъа боюн салыргъа эм айтханларын этерге, хар ахшы ишни этерге хазыр болургъа,

Титге 3:14

Ийманлыланы жашаулары хайырсыз болмаз ючюн, аланы ахшылыкъ этерге, башхаланы эм керекли затларын тындырыргъа юйрет.

Филимоннга 1:11

Ол бир заманлада санга жараусуз болгъан эсе да, энди уа санга да, манга да жараулуду. Мен аны санга къайтарама,

Чюйютлелеге 10:24

Бир-бирибизни сюймекликге бла хайырлы ишлеге итиндириуге эс бериучюле болайыкъ.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.