Титге 3:7 - Сыйлы Инжил бла Забур

⁷ Ол Сыйлы Нюрню бизни Къутхарыучубуз Масих Иссаны юсю бла юсюбюзге эркин къуйгъанды.

Титге 3:7 Iomraidhean Croise

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Марк 10:17

Ол жолгъа чыкъгъан заманда, биреу чабып келип, Аны аллында тобукъланып, Анга: «Ахшы Устаз! Ёмюрлюк жашаудан юлюшлю болур ючюн, мен не этейим?» – деп сорду.

Римлилеге 11:6

Шафауат бла болгъан эсе уа, сора сууап ишледен тюйюлдю, алайсыз шафауат энди шафауат болмаз эди.

Римлилеге 3:24

Адамла Масих Иссада жулунуулары бла, Аллахны шафауаты бла хакъсыз ариуланадыла.

Римлилеге 3:28

Нек десегиз адам, Законну буюргъанларын этиу бла тюйюл, ийман бла ариуланнганын биз билебиз.

Римлилеге 4:16

Алай бла ант сёз Аллахны шафауатына таянсын эм, Ибрахимни битеу туудукълары ючюн ышаннгылы болсун деп, ийманнга кёре болады. Ибрахимни туудукълары, Законнга ышанып къалмай, алай а алада Ибрахимни ийманы болгъан адамладыла.

Римлилеге 4:4

Ишлегеннге хакъын берген хатыргъа саналмайды, алай а борчха саналады;

Римлилеге 8:17

Сабийлери эсег’а, сора юлюшлюлерибиз. Биз, Масих бла бирге махтаулу болур ючюн, Аны бла бирге азап чеге эсек, Аллахны юлюшлюлерибиз, Масих бла да бирге юлюшлюбюз.

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

Галатиялылагъа 2:16

Алай болгъанлыкъгъа уа, адам Тауратны фарызларын тутуу бла угъай, жаланда Масих Иссагъа ийнаныуу бла ариуланнганын билебиз. Аны ючюн биз да, Тауратны фарызларын тутууубуз бла тюйюл, Масиххе ийнаныуубуз бла ариуланыр ючюн Масих Иссагъа ийнаннганбыз. Нек десегиз Тауратны фарызларын тутууу бла бир адам да ариуланаллыкъ тюйюлдю.

Галатиялылагъа 3:29

Сиз Масихни эсегиз а, сора сиз Ибрахимни урлугъусуз эм Аллахны ант сёз бла берирге айтханындан юлюшлю боллукъ туудукъласыз.

Галатиялылагъа 4:7

Ол себепден сен энди къул тюйюлсе, уланыса; уланы эсенг а, сора Масих Иссаны юсю бла Аллахны туудугъуса.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

Титге 1:2

Абустоллугъум а сёзюнден таймагъан Аллах ёмюрледен да алгъын заманлада берирге айтхан ёмюрлюк жашаугъа ышаныуума таянады.

Титге 2:11

Нек десенг Аллахны битеу адамланы къутхаргъан шафауаты ачыкъ болгъанды.

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Чюйютлелеге 1:14

Ала бары да къутхарылыудан юлюшлю боллукълагъа болушур ючюн жиберилген къуллукъ этиучю нюрле тюйюлмюдюле?

Чюйютлелеге 11:7

Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.

Чюйютлелеге 11:9

Ийманы бла ол, Аллах анга берирге ант бла сёз берген жерде, киши жериндеча тургъанды эм ол ант сёз бла берилген жерден аны бла бирге юлюшлю болгъан Исхакъ бла эм Якъуп бла чатырлада жашагъанды.

Чюйютлелеге 6:17

Ол себепден Аллах да, сёз бергенинден юлюшлюлеге Кесини муратыны тюрленмезлигин кёргюзтюрге сюйюп, арада ант жюрютгенди.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

I Петер 3:7

Аны кибик, эрле, сиз да къатынларыгъызгъа тюз акъыл бла тап къарагъыз, сизден къарыусуз жанлагъача, алагъа хурмет этигиз; нек десегиз ала шафауат бла берилген жашауда сизни бла бирге юлюшлюледиле. Сора сизни тилеклеригизге тыйгъыч болмаз.