Титге 3:3 - Сыйлы Инжил бла Забур

³ Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

Титге 3:3 Iomraidhean Croise

Забур 36:2

Нек десенг ала къысха заманда кырдыкча чалынып ауарыкъдыла эмда кёгерген тирликлеча къурурукъдула.

Маттай 21:29

Ол а жууапха: „Бармам“ дегенди; артда уа сокъуранып, баргъанды.

Лука 21:8

Ол алагъа: «Сакъ болугъуз, сизни бир киши да жангылтмасын. Нек десегиз „(Масих) менме“ эмда „Заман келгенди“ деп, кёпле Мени атым бла келликдиле. Аланы ызларындан бармагъыз.

Ахия 8:34

Исса алагъа: «Кертисин, кертисин айтама сизге: гюнях этген хар адам гюняхны къулуду.

Римлилеге 11:30

Сиз да бир заманлада Аллахха бойсунмай эдигиз, энди уа аланы бойсунмаулары бла Ол сизге мархамат этгенди.

Римлилеге 6:12

Алай бла, сизни ёллюк чархыгъызда гюнях бийлик этмесин, сиз аны кюсегенлерине бойсунмазча.

Римлилеге 6:17

Алай а сиз алгъын гюняхны къуллары болгъан эсегиз да, энди уа сиз кесигизни анга берген окъууну юйретиуюне таза жюрекден тынгылаучу болгъаныгъыз ючюн Аллахха шукур!

Римлилеге 6:22

Энди уа, сиз гюняхдан азат этилип, Аллахны къуллары болгъаныгъызгъа кёре, сизни хайырыгъыз сыйлылыкъды, ахыры уа ёмюрлюк жашауду.

Римлилеге 6:6

Биз энди гюняхны къуллары болмайыкъ деп, гюняхлы чархларыбыз къорар ючюн бизни эски жашауубуз Масих бла бирге къачха керилгенин билебиз.

II Коринфлилеге 12:20

Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

Галатиялылагъа 6:3

Нек десегиз сансыз адам болгъанынлай, кесин бир затха санагъан адам, кесикесин алдайды.

Колослулагъа 1:21

Сиз да, этген аман ишлеригиз себепли, бир заманлада акъылыгъыз бла Аллахдан узакъ эм Аны душманлары эдигиз.

Колослулагъа 3:7

Бир заманлада, аланы араларында жашагъан заманыгъызда, сиз да ол жоллада жюрюгенсиз.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

II Тимотейге 3:6

Юйлеге жашыртын кирип, гюняхларында батып тургъан, тюрлю кюсеулери бла жюрюген,

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Титге 2:12

Бу шафауат а бизни, аллахсызлыкъны эм бу дунияны кюсеулерин къоюп, эндиги ёмюрде оюмлу, тюзлюклю эмда Аллахны жолуна тийишли жашауну бардырыргъа юйретеди.

Якъуп 1:26

Сизден биригиз да, кесин дин ахлу сунуп, тилин а тыймай, кесини жюрегин алдай эсе уа, аны дин ахлулугъу бошду.

I Петер 1:14

Айтылгъанны этген сабийле кибик, билмей тургъан заманыгъызда сизде болгъан алгъыннгы тыйгъычсызлыкълагъа кёре этмегиз,

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 18:2

Сора ол уллу ауазы бла, бек къычырып: «Жоюлду! Уллу саякъ Бабил жоюлду! Ол жинлени мекямы эм хар тюрлю харам нюрню къысылыр жери, хар тюрлю харам эм жийиргенчли къанатлыны уясы болду; нек десенг кесини саякълыкъ этиуюню къутургъан чагъырындан битеу миллетлеге ичиргенди.