Титге 3:2 - Сыйлы Инжил бла Забур

² Бир кишиге да аман айтмазгъа, тырманчыла болмазгъа, алай а тынчла болургъа эм битеу адамлагъа хар тюрлю сабырлыкъ этерге ийманлыланы эслерине сал.

Титге 3:2 Iomraidhean Croise

Маттай 11:29

Мени жюгюмю кётюрюгюз эм Менден юйренигиз; нек десегиз Мен сабыр эм жууаш жюреклиме, сора жанларыгъызгъа тынчлыкъ табарсыз.

Ишлери 23:5

Пауул а: «Къарындашла, ол баш дин къуллукъчу болгъанын мен билмегенме. Манга кечигиз, нек десегиз Китапда: „Сени халкъынгда оноучулукъ этгеннге аман айтма“ деп жазылгъанды», – деди.

I Коринфлилеге 6:10

Не гудучула, не жутла, не ичгичиле, не ачы тиллиле, не жыртхычла Аллахны Патчахлыгъындан юлюшлю боллукъ тюйюлдюле.

I Коринфлилеге 9:19

Ол себепден барындан да азат болуп тургъанымлай, андан да кёп адам табар ючюн кесими барына да къул этгенме.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

II Коринфлилеге 12:20

Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Галатиялылагъа 6:1

Къарындашла! Бир адамны бир тюрлю гюняхха тюшгени ачыкъ болса, сиз, Сыйлы Нюрге тынгылагъанла, аллайны жууаш хал бла тюзетигиз. Сиз да терилмез ючюн кесигизге сакъ болугъуз.

Галатиялылагъа 6:10

Алай бла, онгубуз болгъанда, барына да, артыгъыракъ да ийманда кесибизникилеге ахшылыкъ этейик.

Эфеслилеге 4:2

Хар тюрлю сабыр акъыллылыкъ бла, жууашлыкъ бла эмда тёзюмлюлюк бла бирбиригизге сюймеклик бла жумушакълыкъ этигиз,

Эфеслилеге 4:31

Хар тюрлю дерт тутуу, къутуруу, ачыуланыу, къычырыу, аман сёлешиу эмда хар тюрлю аман ниет сизден къорасынла;

I Фесалоникачылагъа 2:7

Биз, Масихни абустоллары кибик, сизден болушлукъ излерге боллукъ эдик, алай а, ана гитче сабийлерине ариу къарагъанча, сизни арагъызда алай жууаш болгъанбыз.

I Тимотейге 3:11

Аны кибик аланы къатынлары да, жамауатда болушлукъчулукъ этген тиширыула да тийишли болургъа керекдиле, тилчи болмагъанла, адеплиле, хар не жаны бла да ышаннгылы болгъанла болургъа керекдиле.

I Тимотейге 3:3

Ичгичи болмагъан, тюйюшюучю болмагъан, кесине хайырны сюйюучю болмагъан, алай а тынч, жарашыулукъну сюйюучю, ахча сюйюучю болмагъан,

Якъуп 3:17

Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

Якъуп 4:11

Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,

I Петер 3:10

Ол себепден «жашау сюйген эм огъурлу кюнле кёрюрге сюйген адам аман сёзледен тилин тыйсын, фитна сёзледен ауузун тыйсын,

I Петер 3:8

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз.

I Петер 4:4

Сиз ала бла бирге ол хаулеликлеге къатышмагъаныгъыз ючюн, сейирсинип, сизге аман айтадыла.

II Петер 2:10

Бегирек да гюняхлы табийгъатлары кюсеген харам ишлерини ызындан баргъанланы, Раббийни буйругъун сан этмегенлени, бетсизлени, бурушакъыл адамланы, махтаулулагъа аман айтыргъа къоркъмагъанланы, къыямат кюннге, азап берирге къалай сакъларгъа биледи.

Яхуда 1:10

Была уа билмегенлерине аман айтадыла; оюмсуз хайыуанла кибик табийгъатдан билген затлары бла кеси бетлерин жоядыла.

Яхуда 1:8

Бу аман затланы кюсеп туруучулагъа да тюз алай боллукъду; ала кеслерини чархларын харам этедиле, Раббийни властын къабыл этмейдиле эм махтаулулагъа аман айтадыла.