Титге 2:3 - Сыйлы Инжил бла Забур

³ Аны кибик къарт къатынла да сыйлылагъа тийишлисича жашасынла, тилчиле болмасынла, ичгичиликге къул болмасынла, игиликге юйретсинле.

Титге 2:3 Iomraidhean Croise

Римлилеге 1:29

Алай бла ала хар тюрлю терсликден: саякълыкъдан, хыйлачылыкъдан, жутлукъдан, огъурсузлукъдан толгъандыла; зарлыкъдан, мурдарлыкъдан, къаугъадан, алдаудан, аман ниетден толудула.

Римлилеге 16:2

Сыйлылагъа тийишлисича Раббий ючюн аны къабыл этигиз, сизде ол не керекли болсада болушугъуз; нек десегиз ол кеси кёплеге да, мени кесиме да болушлукъчу болуп тургъанды.

Эфеслилеге 5:3

Саякълыкъны эм хар тюрлю харамлыкъны эм жыртхычлыкъны сизде атлары айтылыргъа окъуна жарарыкъ тюйюлдю, была сыйлылагъа тийишли ишле тюйюлдюле.

I Тимотейге 3:11

Аны кибик аланы къатынлары да, жамауатда болушлукъчулукъ этген тиширыула да тийишли болургъа керекдиле, тилчи болмагъанла, адеплиле, хар не жаны бла да ышаннгылы болгъанла болургъа керекдиле.

I Тимотейге 3:8

Жамауатны болушлукъчулары да тийишли болургъа керекдиле; эки тилли болмагъанла, чагъыргъа ёч болмагъанла, кеслерине хайырны сюйюучю болмагъанла,

I Тимотейге 5:23

Мындан арысында жаланда суу ичип турма, алай а ашхынынг ючюн эм сени терк-терк ауруй тургъанынг ючюн бир азчыкъ чагъыр да ич.

Титге 1:7

Нек десенг жамауатны къуллукъчусу, Аллахны юй жюрютюучюсюча айыпсыз болургъа керекди. Бурушакъыл болмагъан, ачыуланыучу болмагъан, ичгичи болмагъан, тюйюшюучю болмагъан, кесине хайырны сюйюучю болмагъан,

Титге 2:4

Жаш къатынлагъа эрлерин сюерге, сабийлерин сюерге,

Чюйютлелеге 5:12

Нек десегиз, заман бла алып къарагъанда, сиз устазла болургъа керек эдигиз; алай а сизни жангыдан Аллахны сёзюню ал башланнганындан юйретирге керекди эмда сизге, къаты аш тюйюл, сют керекди.

Билим Ачханы 2:20

Алай а санга къажау айтыр затым да барды: сен кесине файгъамбар атагъан къатын Изабелни, Мени къулларымы саякълыкъ этерге эм идоллагъа этилген къурманланы этлерин ашаргъа юйретирге эм ажашдырыргъа бошлап къояса.