Титге 2:13 - Сыйлы Инжил бла Забур

¹³ Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Титге 2:13 Iomraidhean Croise

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 25:31

«Адам Улу Кесини аламатлыгъында, битеу сыйлы мёлеклери бла келген заманында, Ол Кесини аламат тахтасына олтурлукъду.

Маттай 26:64

Исса анга: «Сен айтдынг; мындан ары сиз Адам Улуну Къудуретлини онг жанында олтуруп, кёкдеги булутланы юсюнде келгенин кёрюрсюз, деп окъуна айтама сизге», – деди.

Марк 14:62

Исса: «Менме; эмда сиз Адам Улуну Къудуретлини онг жанында олтуруп эм кёкдеги булутла бла келгенин кёрюрсюз», – деди.

Марк 8:38

Нек десегиз бу зийначы эм гюняхлы тукъумну арасында Менден эм Мени сёзлеримден ким ыйлыкъсынса, Адам Улу да Кесини Атасыны аламатлыгъы бла, сыйлы мёлекле бла келгенинде, ол адамдан ыйлыкъсынырыкъды», – деди.

Ишлери 24:15

Бу адамла кеслери да къабыл этгенлери кибик, тюзлюклюлени да, тюзлюксюзлени да ёлгенден сора тиргизилликлерине ийнанып, Аллахха ышанама.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 5:5

Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

Римлилеге 8:18

Бизни эндиги бир болжалгъа дери къыйналыуларыбыз, бизге ачыллыкъ махтау бла тенглешдиргенде, бир жукъгъа да саналлыкъ тюйюлдю деп ойлайма.

I Коринфлилеге 1:7

Алай бла, сиз Раббийибиз Масих Иссаны келлигин сакълауугъузгъа кёре, сизни бир тюрлю фахмудан да кемлигигиз жокъду.

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

II Фесалоникачылагъа 2:8

Сора ол заманда законсузлукъчу ачыллыкъды, аны уа Раббий Исса Кесини ауузуну солууу бла ёлтюрлюкдю эм Кесини келгенини кёрюнюую бла жокъ этерикди.

I Тимотейге 1:1

Бизни Къутхарыучубуз Аллахны эм бизни ышаннганыбыз Раббий Масих Иссаны буйругъу бла Масих Иссаны абустолу мен Пауулдан

II Тимотейге 1:2

Сюйюлюннген уланым Тимотейге салам! Аллах Атадан эм Раббийибиз Масих Иссадан санга шафауат, мархамат, ырахатлыкъ болсун.

II Тимотейге 4:1

Алай бла Аллахны аллында эм Кесини келген заманында Кесини Патчахлыгъында, саулагъа да, ёлгенлеге да сюд этерик Раббийибиз Масих Иссаны аллында санга буюрама:

II Тимотейге 4:8

Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

Титге 1:2

Абустоллугъум а сёзюнден таймагъан Аллах ёмюрледен да алгъын заманлада берирге айтхан ёмюрлюк жашаугъа ышаныуума таянады.

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.

Титге 3:4

Бизни Къутхарыучубуз Аллахны ахшылыгъы эм адам сюймеклиги келген заманда уа,

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Петер 1:7

Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

I Ахия 4:14

Ата Уланын Къутхарыучу этип дуниягъа ийгенин биз кёргенбиз эм мынга шагъатлыкъ этебиз.

Яхуда 1:21

Бизни Раббийибиз Масих Иссаны сизни ёмюрлюк жашаугъа жетдирлик мархаматын сакълап, кесигизни Аллахны сюймеклигинде тутугъуз.

Билим Ачханы 1:7

Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.