Титге 1:9 - Сыйлы Инжил бла Забур

⁹ Башхаланы тюз юйретиу бла кёллендирирге эмда къажау тургъанланы тюшюндюрюрге кючю болур ючюн, кеси юйретилгенича, Аллахны ышаннгылы сёзюн къаты тутаргъа керекди.

Титге 1:9 Iomraidhean Croise

Ишлери 18:28

Нек десегиз ол, Иссаны Масих болгъанын Сыйлы Китапла бла кёргюзте, иудейлилени фикирлери терс болгъанларын битеу халкъны аллында бек ачыкъ кёргюзте эди.

I Коринфлилеге 14:24

Барысы да файгъамбарлыкъ эте эселе уа эмда ийнанмагъан неда бош адам кирсе, сора бары да аны гюняхларын ачыкъ этерле, бары да айып этерле.

I Фесалоникачылагъа 5:21

Хар нени да сынагъыз, ахшысын тутугъуз.

II Фесалоникачылагъа 2:15

Алай бла, къарындашла, къаты туругъуз эм сиз не сёз бла, неда бизни жазып ийгенибиз бла юйреннген окъууугъузну тутугъуз.

I Тимотейге 1:10

Саякъ жюрюучюле ючюн, эр кишиле бла жатышыучу эр кишиле ючюн, къул сатыучула ючюн, ётюрюкчюле ючюн, антларын бузуучула ючюн эм тюз окъуугъа къажау болгъан битеу затла ючюн салыннганын билебиз.

I Тимотейге 1:15

«Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

I Тимотейге 1:19

Ийманда къаты тур эмда жюрегинги тазалыкъда сакъла; аны уа бир къауумла, къабыл этмей къойгъанлары ючюн, ийман жанындан кеме батыу палах сынагъандыла.

I Тимотейге 4:9

Бу сёз ышаннгылыды эм хар ким да къабыл этерге тийишлиди.

I Тимотейге 6:3

Башха затлагъа юйретген эмда тюз сёзлени – Раббийибиз Масих Иссаны сёзлерин – эм Аллахны жолун тутууну юсюнден юйретиуюн къабыл этмеген адам ёхтемди,

II Тимотейге 1:13

Ийман бла эм Масих Иссада болгъан сюймеклик бла сен менден эшитген тюз сёзлени юлгюсюн тут.

II Тимотейге 2:2

Эм кёп шагъатланы къатында менден эшитгенинги башхаланы да юйретирге болаллыкъ ышаннгылы адамлагъа аманат эт.

II Тимотейге 2:25

Къажау тургъанланы сабырлыкъ бла тюшюндюрюрге керекди, тобагъа къайтышып, хакъ кертини билирге Аллах алагъа онг берир эсе уа деп.

II Тимотейге 3:14

Сен а юйреннген эмда толу ийнаннган затларынга тюз къал, нек десенг быланы кимден юйреннгенинги билесе.

II Тимотейге 4:3

Нек десенг адамла тюз окъууну эшитирге да сюймеген заман келликди. Ала кеслери кюсеген затланы этип, эшитирге сюйген затларын айтырыкъ устазла, чакъырып, алагъа тынгыларыкъдыла

Титге 1:11

Аллайланы ауузларын тыяргъа керекди. Ала айыплы малкёзлюк бла, жарамагъан затлагъа юйретип, сау юйюрлени терсине бурадыла.

Титге 2:1

Сен а, тюз окъуугъа не тийишли эсе, аны айт:

Яхуда 1:3

Сюйюлюннгенле! Барыбыз да сынагъан къутхарылыудан сизге жазаргъа уллу къадалыуум болгъанлай да, мен, сизни сыйлылагъа бир кере берилген ийман ючюн кюреширге чакъырыр ючюн, жазаргъа кереклиге санайма.

Билим Ачханы 2:25

Мен келгинчи, ол сизде болгъанны тутугъуз, ансы юсюгюзге башха жюк саллыкъ тюйюлме, – деп айтама.

Билим Ачханы 3:11

Ма, кёп турмай келликме! Тажынгы киши алып къачмаз ючюн, болгъан затынгы тутуп тур.

Билим Ачханы 3:3

Сен не къабыл этгенинги эмда эшитгенинги эсинге тюшюр эм сакъла эмда тобагъа къайтыш. Уянмасанг а, Мен сени юсюнге гудучуча келирме эм сени юсюнге къайсы сагъатда келлигими сен билмезсе.