Титге 1:7 - Сыйлы Инжил бла Забур

⁷ Нек десенг жамауатны къуллукъчусу, Аллахны юй жюрютюучюсюча айыпсыз болургъа керекди. Бурушакъыл болмагъан, ачыуланыучу болмагъан, ичгичи болмагъан, тюйюшюучю болмагъан, кесине хайырны сюйюучю болмагъан,

Титге 1:7 Iomraidhean Croise

Маттай 24:45

Аны бийи, кесини жумушчуларына тамата этип алагъа заманында аш берирге салгъан ышаннгылы эм акъыллы къул ким эсе?

Лука 12:42

Раббий да: «Аны бийи кесини жумушчуларына тамата этип, алагъа заманында ётмек марданы юлешип берирге салгъан ышангылы эм акъыллы юй жюрютюучю ким эсе да,

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

Титге 1:5

Мен сени Критде, сен бошалмагъан ишлени битдирир ючюн, санга буюргъаным кибик, битеу шахарлада жамауатлагъа таматала салыр ючюн къойгъан эдим.

Титге 2:3

Аны кибик къарт къатынла да сыйлылагъа тийишлисича жашасынла, тилчиле болмасынла, ичгичиликге къул болмасынла, игиликге юйретсинле.

I Петер 4:10

Хар ким ол алгъан саугъагъыз бла, Аллахны кёп тюрлю шафауатында огъурлу юй жюрютюучюле кибик, бир-биригизге къуллукъ этигиз.

I Петер 5:2

Аллахны сизде болгъан сюрюуюн кютюгюз; зорсуз, кесигиз сюйюп эм Аллахны ыразы этип, кесигизге хайыр излеген аманлыкъ бла тюйюл, алай а кёл салып къарагъыз.

II Петер 2:10

Бегирек да гюняхлы табийгъатлары кюсеген харам ишлерини ызындан баргъанланы, Раббийни буйругъун сан этмегенлени, бетсизлени, бурушакъыл адамланы, махтаулулагъа аман айтыргъа къоркъмагъанланы, къыямат кюннге, азап берирге къалай сакъларгъа биледи.