Титге 1:15 - Сыйлы Инжил бла Забур

¹⁵ Тазалагъа хар зат да тазады; харам болгъанлагъа бла иймансызлагъа уа таза зат жокъду, алай а аланы акъыллары да, жюреклери да харам болгъандыла.

Титге 1:15 Iomraidhean Croise

Маттай 15:18

Аууздан чыкъгъан а – жюрекден чыгъады; адамны харам ол этеди.

Ишлери 10:15

Ол заманда ауаз экинчи кере анга: «Аллах халал этгенлени сен харамгъа санама», – деди.

Римлилеге 14:14

Кеси-кесинде харам зат болмагъанын билеме эм Раббий Иссаны болуп мынга толу ийнанама. Алай а не затны да харамгъа санагъан адамгъа ол зат харамды.

Римлилеге 14:20

Аш ючюн Аллахны ишин бузма! Хар аш да тазады, алай а кесини ашагъан заты бла башхалагъа тыйгъыч болгъан адам аманлыкъ этеди.

Римлилеге 14:23

Шупха этген адам а, аны ашай эсе, терс болады, нек десегиз ийнаныуу бла ашамайды. Ийнаныу бла этилмеген хар зат да гюняхды.

I Коринфлилеге 10:23

Мен хар затны да этерге эркинме, хайырлы уа хар зат да тюйюлдю; мен хар затны да этерге эркинме, адамны нюр жанындан ёсдюрген а хар зат тюйюлдю.

I Коринфлилеге 10:25

Эт базарында сатылгъан хар тюрлю этни да, жюрегигиз ырахат болур ючюн, соруу этмей ашагъыз.

I Коринфлилеге 10:31

Алай бла ашай эсегиз да, иче эсегиз да неда башха зат эте эсегиз да, барын да Аллахха махтау болур ючюн этигиз.

I Коринфлилеге 8:7

Алай а бу билим барысында жокъду. Бир къауумла эндиге дери окъуна, идоллагъа берилген жюреклеринден, эт ашагъан заманларында, аны идоллагъа этилген къурманны этине санайдыла эм аланы жюреклери къарыусуз болгъаны себепли, харам болады.

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

Чюйютлелеге 10:22

Ол себепли таза жюрекден, толу ышаныу бла, жюреклерибизни аман ниетден тазалап эмда чархыбызны ариу суу бла жуууп, Аллахха жууукълашайыкъ.

Чюйютлелеге 12:15

Сакъ болугъуз, бир киши да Аллахны шафауатындан къуру къалмасын, бир тюрлю ачы тамыр чыгъып, заран этмесин эм кёплени харам этмесин.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!