Римлилеге 9:30 - Сыйлы Инжил бла Забур

³⁰ Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

Римлилеге 9:30 Iomraidhean Croise

Римлилеге 10:10

Нек десенг адам жюреги бла ийнанып ариуланады, ийнаннганына уа ауузу бла шагъатлыкъ этип къутхарылады.

Римлилеге 10:20

Иешая уа: «Мени излемегенле Мени тапхандыла, Мени юсюмден сормагъанлагъа Мен ачыкъ болгъанма», – деп таукел айтады.

Римлилеге 10:6

Иймандан болгъан тюзлюклюлюк а былай айтады: «Сен жюрегингде: кёкге – алай демеклик Масихни тюшюрюрге ким чыгъар?», – деп айтма.

Римлилеге 3:5

Бизни тюзлюксюзлюгюбюз Аллахны тюзлюгюн ача эсе, не айтайыкъ? Адамланы ойлашыуларына кёре айтама: Аллах чамланыуу бла азап салса терс болурму?

Римлилеге 4:11

Сюннетсиз болгъанлай, ийман салгъанланы барыны да аталары болур ючюн эм алай бла аланы да ийманлары тюзлюклюлюкге саналыр ючюн, Ибрахим, сюннет этилгинчи, кесинде болгъан ийманы бла тюзлюклю болгъанын кёргюзтген мухургъа сюннет белгини алгъанды.

Римлилеге 4:13

Нек десегиз Ибрахимге неда аны урлугъуна дунияны иеси болургъа ант сёз, Тауратны Законуну юсю бла берилмегенди, алай а иймандан келген тюзлюклюлюк бла берилгенди.

Римлилеге 4:22

Ол себепден ийманы анга тюзлюклюлюкге саналгъанды.

Римлилеге 4:9

Бу насыплылыкъ жангыз сюннетлилегеми, огъесе сюннетсизлегедамы бериледи? Биз, Ибрахимни ийманы тюзлюклюлюкге саналгъанды, деп айтабыз.

Римлилеге 5:1

Ол себепден, ийман бла ариуланып, Раббийибиз Масих Иссаны юсю бла бизни Аллах бла жарашыулугъубуз барды.

Римлилеге 9:14

Сора не айтайыкъ? Аллахда тюзсюзлюкмю барды? Чыртда угъай!

Римлилеге 9:31

Тюзлюклюлюк бериучю закон излеген Израиль а, бу законнга жетмегенди.

Галатиялылагъа 2:16

Алай болгъанлыкъгъа уа, адам Тауратны фарызларын тутуу бла угъай, жаланда Масих Иссагъа ийнаныуу бла ариуланнганын билебиз. Аны ючюн биз да, Тауратны фарызларын тутууубуз бла тюйюл, Масиххе ийнаныуубуз бла ариуланыр ючюн Масих Иссагъа ийнаннганбыз. Нек десегиз Тауратны фарызларын тутууу бла бир адам да ариуланаллыкъ тюйюлдю.

Галатиялылагъа 3:24

Алай бла, биз ийманыбыз бла ариуланыр ючюн, Закон, сабийлени жюрютюучю къулча, бизни Масиххе элтиучю жол эди.

Галатиялылагъа 3:8

Сыйлы Китап да, Аллах башха миллетлилени да ийман бла ариуларыгъын алгъындан кёрюп, Ибрахимге: «Сени юсюнг бла битеу миллетлеге ыразылыкъ берилликди», – деп Хайыр Хапарны алгъындан билдиргенди.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

Эфеслилеге 2:12

Сиз ол заманда Масихсиз эдигиз; Израильни жамауатындан тышхы эдигиз, Аллахны ант сёз бла этген кесаматларындан юлюшсюз эдигиз, умутугъуз жокъ эди эм бу дунияда Аллахдан къуру эдигиз.

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

Чюйютлелеге 11:7

Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.

I Петер 4:3

Нек десегиз сиз озгъан заманда жашауугъузда мажюсю талпыу бла адепсизликлеге, тыйгъычсызлыкълагъа, ичгичиликге, ашауда эм ичиуде артыкъ оздурмакълыкъгъа эм жийиргенчли идоллагъа табыныугъа кесигизни берип жашагъаныгъыз боллукъду.