Римлилеге 9:1 - Сыйлы Инжил бла Забур

¹ Мен Масихни болуп, тюзюн айтама, ётюрюк айтмайма. Сыйлы Нюрню оноуунда болгъан мени жюрегим да айтханларым тюз болгъанына манга шагъатлыкъ этеди.

Римлилеге 9:1 Iomraidhean Croise

Римлилеге 1:9

Аны Уланыны юсюнден Хайыр Хапарны берип, мен Анга нюрюм бла къуллукъ этген Аллах, мен дайым сизни эсимде тутханыма шагъатды.

Римлилеге 2:15

Ала Законну буюргъанлары аланы жюреклеринде жазылгъанын кёргюзтедиле; аны юсюнден аланы жюреклери шагъатлыкъ этеди, ойлашыулары да аланы бирде терслейдиле, бирде ариулайдыла.

Римлилеге 8:16

Биз Аллахны сабийлери болгъаныбызгъа, Ол Нюр Кеси бизни нюрюбюзге шагъатлыкъ этеди.

Римлилеге 9:2

Манга уллу жарсыу барды, мени жюрегим тохтаусуз къыйналып турады.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 1:23

Аллахны жаныма шагъат этеме, мен эндиге дери Коринфге сизни аяп келмей тургъаныма.

II Коринфлилеге 11:10

Масихни менде болгъан тюзлюгю бла айтайым, Ахаяны жерлеринде бу махтау менден сыйырыллыкъ тюйюлдю.

II Коринфлилеге 11:31

Раббийибиз Масих Иссаны Атасы ёмюрледе да алгъышлы Аллах биледи мени ётюрюк айтмагъанымы.

II Коринфлилеге 12:19

Алыкъа биз жаланда сизни аллыгъызда кесибизни ариулагъанмы сунасыз? Биз муну, Масихникиле болуп, Аллахны аллында айтабыз. Была бары да, сюйюлюннгенле, сиз ийманда кючленир ючюндюле.

Галатиялылагъа 1:20

Ма, мени сизге жазгъанларым ётюрюк болмагъанларын Аллахны аллында айтама.

I Фесалоникачылагъа 2:5

Нек десегиз сиз билгенча, бир заманда да сизни аллыгъызда бизни не кёзбау сёзлерибиз, не кесибизге хайыр излеуюбюз болмагъанына Аллах шагъатды.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

I Тимотейге 2:7

Аны ючюн мен Хайыр Хапарны жайыучу эмда абустол болургъа сайланнганма – Масихники болуп тюзюн айтама, ётюрюк айтмайма – миллетлени ийманнга эмда хакъ кертиге юйретген устаз болургъа сайланнганма.

I Тимотейге 5:21

Аллахны, Раббий Масих Иссаны эмда сайланнган мёлеклени аллында сенден бек тилейме, бу буйрукъларымы, биреуге терс къарау бла неда жакъ басыу бла бир зат да этмей толтур.