Римлилеге 8:9 - Сыйлы Инжил бла Забур

⁹ Алай а Аллахны Нюрю сизде жашай эсе, сиз гюняхлы табийгъатыгъызны тюйюл, Нюрню оноуундасыз. Масихни Нюрю анда болмагъан адам а Масихни тюйюлдю.

Римлилеге 8:9 Iomraidhean Croise

Лука 11:13

Алай бла, сиз огъурсуз болгъаныгъызлай да, сабийлеригизге ахшы саугъала берирге биле эсегиз, бегирек да кёкдеги Ата Андан тилегенлеге Сыйлы Нюрню берир», – деди.

Ахия 14:17

Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

Ахия 3:34

Аллах ийген Киши Аллахны сёзлерин айтады; нек десегиз Аллах Нюрюн ёлчелеп бермейди.

Ахия 3:6

Чархдан туугъан чархды, Нюрден туугъан а нюрдю.

Ишлери 16:7

Мисиягъа дери жетип, андан Битиниягъа атланыргъа мурат этдиле, алай а Иссаны Нюрю алагъа эркинлик бермеди.

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

I Коринфлилеге 15:23

Хар ким кесини кезиуюнде: биринчи тиргизилген Масихди, андан сора Аны келген заманында Масихникиле тиргизилликдиле.

I Коринфлилеге 3:16

Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 6:17

Раббийге къошулгъан а Раббий бла бир нюрдю.

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

II Коринфлилеге 10:7

Адамны тыш сыфатынамы къарайсыз? Мен Масихникиме деп, кесине толу ийнаннган ол кеси-кесинден, ол Масихники болгъаны кибик, биз да Масихникиле болгъаныбызны ойлашсын.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

Галатиялылагъа 4:6

Сиз а уланлары болгъаныгъыз себепли, Аллах сизни жюреклеригизге: «Абба, Атам!», – деп къычыргъан Кесини Уланыны Нюрюн ийгенди.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 2:22

Аны юсюнде сиз да бирге къуралып Сыйлы Нюрню юсю бла Аллахны жашагъан жери болгъансыз.

Эфеслилеге 3:17

Ийманыгъыз бла Масих жюреклеригизде жашасын деп тилейме.

II Тимотейге 1:14

Санга ышанып берилген огъурлу окъууну бизде жашагъан Сыйлы Нюрню болушлугъу бла сакъла!

I Петер 1:11

Масихни алада болгъан Нюрю Масихни азап чегеригин эм аны ызындан махтаулу боллугъун алгъындан билдирген заманда, ала ол Нюр къайсы эм не заманны кёргюзтгенин тинтип къарагъандыла.

I Ахия 3:24

Аллахны фарызларын тутхан адам, Аллахда жашайды, Аллах да ол адамда жашайды. Аллах бизде жашагъанын, Ол бизге берген Нюрден билебиз.

I Ахия 4:13

Биз Анда жашагъаныбызны, Ол да бизде жашагъанын, Ол бизге Кесини Нюрюнден бергени бла билебиз.

I Ахия 4:4

Сабийле! Сиз Аллахдансыз эм жалгъан файгъамбарланы хорлагъансыз; нек десегиз Ол сизде болгъан, бу дунияда болгъандан уллуду.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 20:15

Сора жашау китабында аты жазылмагъан хар адам от кёлге атылды.