Римлилеге 8:8 - Сыйлы Инжил бла Забур

⁸ Ол себепден гюняхлы табийгъатларыны оноуунда жашагъанла Аллахны ыразы эталлыкъ тюйюлдюле.

Римлилеге 8:8 Iomraidhean Croise

Маттай 3:17

Ол заманда кёкледен: «Бу Мени сюйюлюннген Уланымды; Мен Анга ыразыма», – деген ауаз келди.

Ахия 3:3

Исса анга жууапха: «Кертисин, кертисин айтама санга: огъартындан туумагъан адам, Аллахны Патчахлыгъын кёраллыкъ тюйюлдю», – деди.

Ахия 8:29

Мени Ийген Мени биргемеди; Ата Мени жангызлай къоймагъанды; нек десегиз Мен хар заманда да Ол ыразы болгъан затланы этеме», – деди.

Римлилеге 1:21

Алай а ала, Аллахны биле тургъанлай, Анга, Аллахха тийишлисича махтау салмагъанлары эм шукур этмегенлери себепли, кеслерин магъанасыз ойлашыулагъа бергендиле эм аланы ангылаусуз жюреклерин къарангылыкъ басханды.

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:9

Алай а Аллахны Нюрю сизде жашай эсе, сиз гюняхлы табийгъатыгъызны тюйюл, Нюрню оноуундасыз. Масихни Нюрю анда болмагъан адам а Масихни тюйюлдю.

I Коринфлилеге 7:32

Мен а сизни къайгъысыз болуругъузну сюеме. Къатын алмагъан адам Раббийни къалай ыразы этейим деп, Раббийни ишлерини къайгъысын этеди.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

Колослулагъа 3:20

Сабийле, ата-аналарыгъызны хар не жаны бла да айтханларын этиучюле болугъуз, нек десегиз мынга Раббий бек ыразыды.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

Чюйютлелеге 13:16

Ахшылыкъ этиуню эм бир-биригиз бла бирикмекликни унутмагъыз; нек десегиз аллай къурманла Аллахны ыразы этедиле.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

I Ахия 3:22

Эм не тилесек да, Андан аллыкъбыз, нек десегиз Аны фарызларын тутабыз эмда Ол ыразы болгъан затланы этебиз.