Римлилеге 8:38 - Сыйлы Инжил бла Забур

³⁸ Ол себепден не ёлюм, не жашау, не мёлекле, не башчыла, не кючле, не эндиги, не боллукъ,

Римлилеге 8:38 Iomraidhean Croise

Ахия 10:28

Мен алагъа ёмюрлюк жашау береме, ала ёмюрде да жоюллукъ тюйюлдюле. Мени къолумдан аланы бир киши да сыйыраллыкъ тюйюлдю.

Римлилеге 14:7

Бизден бир киши да кеси ючюн жашамайды эм бир киши да кеси ючюн ёлмейди.

Римлилеге 14:8

Жашай эсек да, Раббий ючюн жашайбыз, ёле эсек, Раббий ючюн ёлебиз. Ол себепден, жашай эсек, неда ёле эсек да, хар заманда да Раббийнибиз.

Римлилеге 4:21

Эмда анга берген сёзюн толтурургъа, Аллахны кючю болгъанына толу ышанып тургъанды.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

I Коринфлилеге 15:24

Андан сора Масих, хар тюрлю башчылыкъны, хар тюрлю властьны эм кючню къоратып, патчахлыкъны Аллах Атагъа берген заманында, дунияны ахыры келликди.

II Коринфлилеге 11:14

Ол а сейир тюйюлдю, нек десегиз шайтан кеси жарыкъны мёлегини сыфатына киреди.

II Коринфлилеге 4:13

Алай а, Китапда: «Мен ийнаннганма эм аны себепли айтханма», – деп жазылгъаны кибик, ийманны ол нюрю бизде болуп, биз да ийнанабыз эм аны себепли айтабыз.

Эфеслилеге 1:21

Аллах, Масихни битеу башчыладан да, властьладан да, кючледен да, бийликледен да эм бу ёмюрде болуп къалмай, алай а боллукъ ёмюрде да аталгъан хар тюрлю атдан да ёрге кётюргенди.

Колослулагъа 1:16

Нек десегиз кёкледе болгъан да, жерде болгъан да, кёрюннген да, кёрюнмеген да хар неда Аны юсю бла жаратылгъанды; патчахлыкъламы, бийликлеми, башчыламы, властьламы – бары да Аны юсю бла эм Аны ючюн жаратылгъанды.

Колослулагъа 2:15

Башчыланы бла властьланы кючлерин сыйырып, аланы къачны юсюнде хорлап, барыны да аллында аланы бедишлик этгенди.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

Чюйютлелеге 11:13

Ала бары да, берирге ант бла сёз берилгенлени алмагъанлай, ийман бла ёлгендиле, алай а, аланы узакъдан кёрюп, къууанып, кеслерини юслеринден: «Бу дунияда жолоучулабыз эм киргинчилебиз», – деп ачыкъ айтхандыла.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.