Римлилеге 8:34 - Сыйлы Инжил бла Забур

³⁴ Ким айып этеди? Масих Исса ёлгенди, алай болгъанлыкъгъа тиргизилгенди. Ол Аллахны онг жанындады, Ол бизни ючюн ёкюллюк этеди.

Римлилеге 8:34 Iomraidhean Croise

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Марк 16:19

Алай этип, Раббий, ала бла сёлешгенинден сора, кёкге кётюрюлюп, Аллахны онг жанында олтургъанды.

Ахия 14:19

Бираздан сора дуния Мени энди кёрлюк тюйюлдю, сиз а Мени кёрлюксюз. Мен жашагъаным ючюн, сиз да жашарыкъсыз.

Ахия 16:23

Ол кюн сиз Манга бир затны юсюнден да сорлукъ тюйюлсюз. Кертисин, кертисин айтама сизге: Мени атым бла Атадан не тилесегиз да, берликди сизге.

Ишлери 2:24

Аллах а, ёлюмню бугъоуларын бузуп, Аны тиргизгенди; нек десегиз ёлюмге Аны тыяргъа амал жокъ эди.

Римлилеге 14:13

Мындан арысында уа бир-бирибизни терслеуню къояйыкъ, андан эсе уа къарындашха тыйгъыч болмазгъа неда аны абындырлыкъ зат этмезге ойлашайыкъ.

Римлилеге 14:9

Нек десегиз Масих, ёлгенлеге да, саулагъа да бийлик этер ючюн, ёлюп тиргизилгенди эм жангыдан сау болгъанды.

Римлилеге 4:25

Исса уа бизни гюняхларыбыз ючюн къурманнга берилгенди эм бизни ариулар ючюн тиргизилгенди.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 8:27

Нюрню не сагъышы болгъанын, жюреклени Сынаучу уа биледи; нек десегиз Нюр Аллахны буйругъу бла сыйлыла ючюн ёкюллюк этеди.

Колослулагъа 3:1

Ол себепден, сиз Масих бла тиргизилген эсегиз, сора кёкдегин излегиз, анда Масих Аллахны онг жанында олтурады.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

Чюйютлелеге 9:24

Нек десегиз Масих, керти сыйлы жерни юлгюсю болгъан къол бла ишленнген сыйлы жерге тюйюл, алай а энди бизни ючюн Аллахны аллына барыр ючюн, кёкню кесине киргенди.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.

Билим Ачханы 1:18

Сау Менме. Ёлген да болгъанма; ма къара, ёмюрледен ёмюрлеге да саума. Амин. Ахыратны эм ёлюмню ачхычлары Мендедиле.