Римлилеге 8:30 - Сыйлы Инжил бла Забур

³⁰ Ол кимлени алгъындан белгили этген эсе, аланы чакъыргъанды; кимлени чакъыргъан эсе, аланы ариулагъанды; кимлени ариулагъан эсе, аланы махтаулу этгенди.

Римлилеге 8:30 Iomraidhean Croise

Ахия 17:22

Биз бирликли болгъаныбыз кибик, ала да бирликли болсунла деп, Сен Манга берген махтауну Мен алагъа бердим.

Ахия 17:24

Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Римлилеге 1:6

Сиз да аланы араларындасыз, Масих Исса чакъыргъанласыз.

Римлилеге 11:29

Нек десегиз Аллахны саугъалары бла чакъырыуу ызына алынмайдыла.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 8:21

Алам кеси да, чиримекликге къуллукъ этиуден азат болуп, Аллахны сабийлерини махтаулу азатлыкъларына жетеригине ышанып боюн салгъанды.

Римлилеге 8:28

Аллах Аны сюйгенлеге, Аны муратына кёре чакъырылгъанлагъа, хар нени да игиликге болдургъанын билебиз;

I Коринфлилеге 1:2

Аллахны Коринфде болгъан жамауатына салам! Сизге – Масих Иссада сыйлы этилип, сыйлы болургъа чакъырылгъанлагъа эм хар жерде барыбызны Раббийи Масих Иссаны атын айтып тилек этген битеу адамлагъа –

I Коринфлилеге 1:9

Сизни Кесини Уланы Раббийибиз Масих Исса бла бирикмекликге чакъыргъан Аллах ышаннгылыды.

I Коринфлилеге 2:7

Алай а Аллах ёмюрледен да алгъа бизни махтауубузгъа буюргъан, Аллахны таша, жашырын акъылманлыгъын билдиребиз.

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

II Коринфлилеге 4:17

Нек десегиз бизни бир кесек заманнга азчыкъ къыйналгъаныбыз бизге мардасыз кёп ёмюрлюк махтау чыгъарады.

Галатиялылагъа 1:15

Анамы къарынында заманымдан мени сайлагъан эм Кесини шафауаты бла мени чакъыргъан Аллах а,

Галатиялылагъа 1:6

Масихни шафауаты бла сизни чакъыргъан Аллахдан сиз алай терк башха хайыр хапаргъа ётгенигизге сейирсинеме.

Галатиялылагъа 5:8

Аллай ийнандырыу сизни чакъыргъан Аллахдан тюйюлдю.

Эфеслилеге 1:11

Хар нени да Кесини сюйюп этген буйругъуна тап келтирген Аллахны муратына кёре, биз алгъындан белгиленип Масихни юсю бла Аны энчи халкъы этилгенбиз.

Эфеслилеге 1:5

Ол Кесини сюйген Уланында бизге кёргюзтген аламат шафауат махталыр ючюн,

Эфеслилеге 2:6

Аллах бизни Масих Исса бла бирге тиргизгенди эмда Аны бла бирге кёкледе олтурур жер бергенди.

Эфеслилеге 3:11

Бу, Аллахны ёмюрледен да алгъа этген эм бизни Раббийибиз Масих Иссада толтургъан планыды.

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

II Тимотейге 2:11

Бу сёз ышаннгылыды: биз Аны бла ёлген эсек, сора Аны бла жашарыкъбыз.

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

I Петер 2:9

Сиз а сайланнган тукъумсуз, Патчахны дин къуллукъчуларысыз, сыйлы миллетсиз, Аллахны энчи халкъысыз. Сизни къарангылыкъдан Кесини аламат жарыгъына Чакъыргъанны тамамлылыгъын билдирир ючюн сайланнганласыз.

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

II Петер 1:10

Ол себепден, къарындашла, чакъырылыуугъузну эм сайланыуугъузну къаты этерге бекден-бек кюрешигиз. Алай этсегиз, бир заманда да тентиремезсиз.

Билим Ачханы 17:14

Ала Къозу бла къазауат этерикдиле, Къозу аланы хорларыкъды; нек десенг Ол бийлени Бийиди эм патчахланы Патчахыды, Аны бла болгъанла да чакъырылгъанладыла, сайланнганладыла эм ийманлыладыла», – деди.

Билим Ачханы 19:9

Сора мёлек манга: «Жаз: Къозуну некях тоюна чакъырылгъанла насыплыдыла!» – деди. Дагъыда манга: «Была хакъ керти сёзледиле, Аллахны сёзлеридиле», – деди.