Римлилеге 8:29 - Сыйлы Инжил бла Забур

²⁹ Нек десегиз Кесини Уланы кёп къарындашланы арасында биринчи туугъан болур ючюн, Аллах кимлени алгъындан билген эсе, аланы Кесини Уланыны сыфатына ушатыргъа алгъындан белгили этгенди.

Римлилеге 8:29 Iomraidhean Croise

Забур 1:6

Нек десенг Раббий тюзлюклюлени жолларын биледи, аман адамланы жолларыны ахыры уа жоюлууду.

Маттай 12:50

Нек десегиз Мени Кёкдеги Атамы буйругъун ким толтурса, олду Манга къарындаш, эгеч, ана», – деди.

Маттай 25:40

Патчах да алагъа жууапха: „Кертисин айтама сизге: сиз муну Мени бу эм гитче къарындашларымдан бирине этгенигиз себепли, аны Манга этгенсиз“ деп айтырыкъды.

Маттай 28:10

Ол заманда Исса алагъа: «Къоркъмагъыз; барыгъыз, къарындашларыма билдиригиз, Галилеягъа барсынла, ала Мени анда кёрюрле», – деди.

Маттай 7:23

Сора ол заманда алагъа: „Мен сизни бир заманда да танымагъанма; эй, законсузлукъ этиучюле, Мени къатымдан кетигиз!“ деп ачыкъ айтырма».

Ахия 17:16

Мен дуниядан болмагъаным кибик, ала да дуниядан тюйюлдюле.

Ахия 17:19

Ала да хакъ керти бла сыйлы болсунла деп, ала ючюн Мен Кесими сыйлы къурман этип береме.

Ахия 17:26

Сен Мени сюйген сюймеклик алада болсун, Мен да алада болайым деп, Мен алагъа Сени атынгы билдирдим эм дагъыда билдирликме», – деди.

Ахия 20:17

Исса анга: «Мени тыйма, нек десенг Мен алыкъа Атама чыкъмагъанма; алай а Мени къарындашларыма бар да, алагъа айт, Мен Кеси Атама эм сизни Атагъызгъа, Кеси Аллахыма эм сизни Аллахыгъызгъа чыгъама», – деди.

Римлилеге 11:2

Аллах Кесини алгъындан билген халкъын атмагъанды. Неда Сыйлы Китапда Илиясны юсюнден не айтылгъанын ол Израильден Аллахха къалай тарыгъып:

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

Римлилеге 9:23

Ол, махтаулу болургъа алгъындан хазырлап, алагъа мархамат этерик адамларына Кесини махтаууну байлыгъын билдирир ючюн алай этген эсе, не айтайыкъ?

I Коринфлилеге 15:49

Сора биз, жерден жаратылгъанны сыфатын жюрютгенибиз кибик, кёкден болгъанны сыфатын да жюрютюрюкбюз.

I Коринфлилеге 2:7

Алай а Аллах ёмюрледен да алгъа бизни махтауубузгъа буюргъан, Аллахны таша, жашырын акъылманлыгъын билдиребиз.

I Коринфлилеге 8:3

Алай а Аллахны сюйген адамны Аллах биледи.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

Эфеслилеге 1:11

Хар нени да Кесини сюйюп этген буйругъуна тап келтирген Аллахны муратына кёре, биз алгъындан белгиленип Масихни юсю бла Аны энчи халкъы этилгенбиз.

Эфеслилеге 4:24

Эм хакъ керти тюзлюклюлюк бла эмда сыйлылыкъ бла Аллахха ушатылып жаратылгъан жангы адамлыкъгъа кийинигиз.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

II Тимотейге 1:9

Аллах, бизни ишлерибизге кёре тюйюл, Кесини муратына эм шафауатына кёре бизни къутхарып, сыйлы жашаугъа чакъыргъанды. Ол шафауат бизге Масих Иссада ёмюрледен да алгъын берилгенди,

II Тимотейге 2:19

Алай а Аллахны къаты мурдору бек турады. Аны юсюнде: «Раббий Кесиникилени биледи» эм: «Раббийни атына ийнанып шагъатлыкъ этген хар адам аманлыкъдан артха турсун», – деп жазылгъан мухур барды.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.