Римлилеге 8:24 - Сыйлы Инжил бла Забур

²⁴ Нек десегиз биз бу ышаныуубуз бла къутхарылгъанбыз. Ышаннган затыбыз кёрюне эсе уа, ол ышаныу тюйюлдю, нек десегиз адам ышаннганын кёре эсе, сора аны энтда ышаныргъа не кереги барды?

Римлилеге 8:24 Iomraidhean Croise

Забур 146:5

Бизни Раббийибиз уллуду, Аны къудурети уллуду, Аны акъылыны чеги жокъду.

Забур 33:18

Тюзлюклюле тилек этедиле, Раббий къабыл этеди эмда аланы битеу къайгъыларындан къутхарады.

Забур 33:22

Аман адамны огъурсузлугъу аны кесин ёлтюрлюкдю, тюзлюклюню кёрюп болмагъанла да жоюлургъа буюруллукъдула.

Римлилеге 12:12

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 15:4

Битеу алгъындан жазылгъанла уа, бизге акъыл юйретир ючюн, биз Сыйлы Китапладан алгъан тёзюмлюлюк бла эм кёл этиу бла бизни ышаныуубуз болур ючюн жазылгъандыла.

Римлилеге 4:18

Ибрахим, ышаннгысыз болумда, кёп миллетлени атасы боллугъуна ышанып ийман салгъанды. «Сени урлугъунг алай кёп боллукъду», – деп айтылгъаннга ийнаннганды.

Римлилеге 5:2

Аны юсю бла уа ийнаныуубуз бла бу биз тургъан шафауатха эркинлик алгъанбыз эм Аллахны махтаууна ышаныу бла махтанабыз.

Римлилеге 8:20

Нек десегиз алам фанагъа сюйюп боюн салмагъанды, алай а Аллахны буйругъу бла боюн салгъанды.

I Коринфлилеге 13:13

Энди уа бу ючюсю жашап турадыла: ийман, умут, сюймеклик, алай а сюймеклик аланы барындан уллуду.

II Коринфлилеге 4:18

Биз кёрюннген затлагъа тюйюл, кёрюнмегенлеге къарайбыз. Нек десегиз кёрюннген затла бир кезиуге деридиле, кёрюнмегенле уа ёмюрлюкгедиле.

II Коринфлилеге 5:7

Нек десегиз биз, кёрюу бла тюйюл, ийман бла жюрюйбюз.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

I Фесалоникачылагъа 5:8

Биз а кюндюзню уланлары эсек, юсюбюзге ийманны бла сюймекликни кюбесин, башыбызгъа да къутхарылыугъа ышаныуну темир бёркюн кийип аязып турайыкъ.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

Титге 3:7

Ол Сыйлы Нюрню бизни Къутхарыучубуз Масих Иссаны юсю бла юсюбюзге эркин къуйгъанды.

Чюйютлелеге 11:1

Ийман а умут этгенлерибизге ышаныу эм алыкъа кёрмеген затларыбызгъа толу ийнаныуду.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.