Римлилеге 8:16 - Сыйлы Инжил бла Забур

¹⁶ Биз Аллахны сабийлери болгъаныбызгъа, Ол Нюр Кеси бизни нюрюбюзге шагъатлыкъ этеди.

Римлилеге 8:16 Iomraidhean Croise

Маттай 5:9

Жарашыулукъ этиучюле насыплыдыла, нек десегиз алагъа Аллахны уланлары деп аталлыкъды.

Лука 20:36

Энди ёлюрге да болаллыкъ тюйюлдюле, нек десегиз ала мёлеклеге тенгдиле эмда, тиргизилиуню уланлары болуп, Аллахны уланларыдыла.

Ахия 1:12

Аны къабыл этгенлеге, Аны атына ийман салгъанлагъа уа Аллахны сабийлери болургъа эркинлик бергенди.

Ишлери 5:32

Биз да, Аллах Кесине бойсуннганлагъа берген Сыйлы Нюр да, бу ишлеге шагъатбыз», – дедиле.

Римлилеге 8:14

Аллахны Нюрю бла жюрютюлгенле барысы да Аллахны уланларыдыла;

Римлилеге 8:19

Аллах жаратхан алам Аллахны уланларыны ачыкъ боллукъларын ышанып сакълайды.

Римлилеге 8:23

Эм жалан жаратылгъанла тюйюл, алай а биз кесибизде Сыйлы Нюрню биринчи хайырлары болгъанлай да, биз да, ичибизден ынчхап, Аллах бизни Кесине улан этерин, чархыбызны жулунурун сакълайбыз.

Римлилеге 8:26

Аны кибик, Сыйлы Нюр да бизни зайифлигибизде бизге болушады: нек десегиз биз нени юсюнден тилек этеригибизни да кереклисича билмейбиз, алай а Нюр Кеси сёз бла айтып ангылатылмазлыкъ ахтыныула бла бизни ючюн ёкюллюк этеди.

Римлилеге 9:26

Эм: «Алагъа: „Сиз Мени халкъым тюйюлсюз“ деп айтылгъан жерде, „жашау бериучю Аллахны Уланлары“ деп аталлыкъдыла», – деп айтылгъаны кибик.

Римлилеге 9:8

Алай демеклик Аллахны сабийлери чархдан жаратылгъан сабийле тюйюлдюле, алай а ант сёз бла берилген сабийле Ибрахимни урлугъуна саналадыла.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 1:22

Ол бизге мухур салгъанды эм ышандырыр шартха бизни жюреклерибизге Сыйлы Нюрню жерлешдиргенди.

II Коринфлилеге 5:5

Аллах а бизни ма муну ючюн жаратханды эм ышандырыр шартха бизге Нюрюнден бергенди.

II Коринфлилеге 6:18

Эмда сизге Ата боллукъма, сиз да Мени уланларым бла къызларым боллукъсуз“ дейди битеу дунияны тутхан Раббий».

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Галатиялылагъа 4:6

Сиз а уланлары болгъаныгъыз себепли, Аллах сизни жюреклеригизге: «Абба, Атам!», – деп къычыргъан Кесини Уланыны Нюрюн ийгенди.

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

I Ахия 3:1

Къарачыгъыз, бизге Аллахны сабийлери аталыр ючюн, Ата бизни къалай бек сюйгенди! Керти да алайбыз. Дуния Аны танымагъаны себепли, бизни да танымайды.

I Ахия 3:10

Аллахны сабийлери эм ибилисни сабийлери былай таныладыла: тюзлюк этмеген эм кесини къарындашын сюймеген ким болсада Аллахдан тюйюлдю.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.

I Ахия 4:13

Биз Анда жашагъаныбызны, Ол да бизде жашагъанын, Ол бизге Кесини Нюрюнден бергени бла билебиз.

I Ахия 5:10

Аллахны Уланына ийнаннганны кесини кесинде шагъатлыгъы барды. Аллахха ийнанмагъан, Аны ётюрюкчю сунады; нек десегиз Аллах Кесини Уланыны юсюнден этген шагъатлыкъгъа ийнанмагъанды.

Билим Ачханы 21:7

Хорлагъан барындан да юлюшлю боллукъду. Мен аны Аллахы боллукъма, ол да Манга улан боллукъду.