Римлилеге 8:13 - Сыйлы Инжил бла Забур

¹³ Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

Римлилеге 8:13 Iomraidhean Croise

Римлилеге 6:21

Сиз энди ала ючюн уялгъан ишлеригиз ден ол заманда не хайырыгъыз бар эди? Ол ишлени ахыры ёлюмдю.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:12

Алай бла, къарындашла, биз гюняхлы табийгъатыбызгъа кёре жашарча гюняхлы табийгъатыбызгъа борчлу тюйюлбюз.

I Коринфлилеге 9:27

Алай а, башхалагъа ууаз берип, кесим а тийишлисиз къалмаз ючюн, чархымы бойсундурама эм къул этеме.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Галатиялылагъа 6:8

Кесини гюняхлы табийгъаты ючюн сепген гюняхлы табийгъатындан чиримекликни орур, Нюр ючюн сепген а Нюрден ёмюрлюк жашау орур.

Эфеслилеге 4:22

Алай бла, алдаулу кюсеуледен чирий тургъан эски адамлыгъыгъызны алгъыннгы жашау халын къоюгъуз,

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

Титге 2:12

Бу шафауат а бизни, аллахсызлыкъны эм бу дунияны кюсеулерин къоюп, эндиги ёмюрде оюмлу, тюзлюклю эмда Аллахны жолуна тийишли жашауну бардырыргъа юйретеди.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз