Римлилеге 8:1 - Сыйлы Инжил бла Забур

¹ Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 8:1 Iomraidhean Croise

Ахия 14:20

Мен Атамда, сиз да Менде, Мен да сизде болгъаныбызны, сиз ол кюн билликсиз.

Ахия 15:4

Менде болуп туругъуз, Мен да сизде турайым. Бутакъ, терекде турмаса, кесикесинден кёгет бералмагъаны кибик, Менде болуп турмасагъыз, сиз да битимли болмазсыз.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Римлилеге 16:3

Масих Иссада мени биргеме уруннган нёгерлерим Прискилагъа бла Акилагъа салам айтыгъыз.

Римлилеге 16:7

Мени жууукъларым эм мени бла бирге тюрмеде болгъан, абустолланы арасында махтаулу болгъан эм Масиххе менден да алгъа ийнаннган Андроникге бла Юниягъа салам айтыгъыз.

Римлилеге 5:1

Ол себепден, ийман бла ариуланып, Раббийибиз Масих Иссаны юсю бла бизни Аллах бла жарашыулугъубуз барды.

Римлилеге 5:16

Ол саугъа уа гюнях этген бир адам ючюн сюд этилгенича тюйюлдю; нек десегиз бир аманлыкъ ючюн сюд терслигине тюбетеди, шафауатны саугъасы уа кёп аманлыкъдан да ариулайды.

Римлилеге 7:17

Ол себепден а энди мен тюйюл, алай а менде жашагъан гюнях аны этеди.

Римлилеге 7:20

Сора этерге сюймегеними эте эсем а, энди мен тюйюл, алай а менде жашагъан гюнях аны этеди.

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

Римлилеге 8:14

Аллахны Нюрю бла жюрютюлгенле барысы да Аллахны уланларыдыла;

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

Римлилеге 8:34

Ким айып этеди? Масих Исса ёлгенди, алай болгъанлыкъгъа тиргизилгенди. Ол Аллахны онг жанындады, Ол бизни ючюн ёкюллюк этеди.

Римлилеге 8:39

Не бийиклик, не теренлик, неда бир башха тюрлю жаратылгъан зат, бизни Раббийибиз Масих Иссада болгъан, Аллахны сюймеклигинден бизни айыралмазлыгъына мен толу ийнанама.

Римлилеге 8:4

Тауратны Законуну буйрукълары бизде, чархыбызны табийгъатына кёре тюйюл, Сыйлы Нюрге кёре жашагъанлада толур ючюн Ол алай этгенди.

Римлилеге 8:9

Алай а Аллахны Нюрю сизде жашай эсе, сиз гюняхлы табийгъатыгъызны тюйюл, Нюрню оноуундасыз. Масихни Нюрю анда болмагъан адам а Масихни тюйюлдю.

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

I Коринфлилеге 15:22

Адам файгъамбарда бары да ёлгенлери кибик, Масихде бары да жашау табарыкъдыла.

II Коринфлилеге 12:2

Масихни болгъан бир адамны таныйма, ол онтёрт жыл мындан алда – чархы бла болгъан эсе да билмейме, чархсыз болгъан эсе да билмейме, Аллах биледи – ючюнчю кёкге дери кётюрюлгенди.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 3:13

Ибрахимге берилген ыразылыкъ Масих Иссаны юсю бла башха миллетлеге да жайылыр ючюн эм Аллах берирге айтхан Сыйлы Нюрню биз ийманыбыз бла алыр ючюн,

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Галатиялылагъа 5:16

Мен айтама: Сыйлы Нюрге кёре жашагъыз, сора сиз гюняхлы табийгъатыгъызны кюсегенин этмезсиз.

Галатиялылагъа 5:25

Биз Нюр бла жашай эсек, сора Нюрню оноуунда жюрюрге керекбиз.

Эфеслилеге 1:1

Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!