Римлилеге 7:5 - Сыйлы Инжил бла Забур

⁵ Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 7:5 Iomraidhean Croise

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Ахия 3:6

Чархдан туугъан чархды, Нюрден туугъан а нюрдю.

Римлилеге 1:26

Аны себепли Аллах аланы айыплы тыйгъысызлыкъларына бошлап къойгъанды: аланы тиширыулары табийгъатда тийишли болгъанны жюрютюуню орунуна табийгъатда болмагъанны жюрютгендиле.

Римлилеге 3:20

Ол себепден Законну буюргъанларын этиу бла, Аллахны аллында, бир адам да ариуланырыкъ тюйюлдю, нек десегиз гюнях Закон бла билинеди.

Римлилеге 4:15

Нек десегиз Закон Аллахны чамланыуун чыгъарады, алай а закон болмагъан жерде законну бузаргъа да амал жокъду.

Римлилеге 5:20

Тауратны Закону уа, терслик кёп болур ючюн, артда келгенди. Гюнях кёп болгъан жерде уа Аллахны шафауаты андан да кёп болгъанды.

Римлилеге 6:13

Эмда санларыгъызны гюняхха тюзлюксюзлюкню амалына бермегиз, алай а, ёлгенледен тиргизилгенле кибик, кесигизни Аллахха, санларыгъызны да тюзлюклюлюкню амалына Аллахха беригиз.

Римлилеге 6:19

Сизни адам табийгъатыгъызны къарыу сузлугъу ючюн адамланы оюмларына кёре айтама. Сиз санларыгъызны харамлы къгъа эм законсузлукъ ишлеге къулгъа къалай берип тургъан эсегиз да, энди уа санларыгъызны, сыйлы болур ючюн, тюзлюклюлюкге къулгъа алай беригиз.

Римлилеге 6:21

Сиз энди ала ючюн уялгъан ишлеригиз ден ол заманда не хайырыгъыз бар эди? Ол ишлени ахыры ёлюмдю.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Римлилеге 7:23

Мени санларымда уа, акъылымдагъы Законнга къажау кюрешип, мени жесир этген башха закон кёреме.

I Коринфлилеге 15:56

Ёлюмню ууу уа гюняхды; гюняхны кючю уа Тауратны Законуду.

II Коринфлилеге 10:3

Нек десегиз биз, чархыбызда жашай эсек да, чархыбызны табийгъатына кёре къазауат этмейбиз.

Галатиялылагъа 3:10

Тауратны фарызларын тутуугъа ышаннганла уа бары да налат боладыла. Нек десегиз Китапда: «Таурат китапда жазылгъанланы барын да хар заманда да этип толтурмагъан хар адам налатды», – деп жазылгъанды.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Эфеслилеге 2:11

Алай бла сиз, башха миллетлиледен туугъанла, бир заманлада не болгъаныгъызны, чархларына къолла бла сюннет этилип, сюннетли атлы болгъанла сизге сюннетсизле атагъанларын эсигизде тутугъуз.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

Якъуп 1:15

Талпыу да, балаланып, гюнях туудурады, этилген гюнях а ёлюм туудурады.

Якъуп 4:1

Арагъызда къаугъала бла тюйюшюуле къайдандыла? Сизни санларыгъызда къазауат этген кюсеуюгюзден тюйюлмюдюле?

I Ахия 3:4

Гюнях этген хар адам законсузлукъ этеди; гюнях законсузлукъду.