Римлилеге 7:24 - Сыйлы Инжил бла Забур

²⁴ Мен харип адам! Ёлюмню оноуунда болгъан бу чархымдан мени ким къутхарыр?

Римлилеге 7:24 Iomraidhean Croise

Забур 102:20

Аны сёзюню ауазына бойсунуп, Аны сёзюн толтуруучу, Аны уллу кючлю мёлеклери Раббийге шукур этигиз.

Забур 38:2

Мен: «Жолларыма сынап къарарыкъма, мен тилим бла гюнях этмез ючюн; аман адам мени аллымда тургъан заманда, ауузуму тыйып турлукъма», – деп айтханма.

Забур 6:6

Нек десенг ёлюмде Сени эсде тутуу жокъду: ахыратда ким шукур этерикди Санга?

Забур 71:11

Битеу патчахла анга баш урлукъдула, битеу миллетле анга къуллукъ этерикдиле.

Забур 72:12

Ма аман адамла былайдыла, хар заманда да айнып барадыла, байлыкъларын кёп этедиле.

Забур 88:5

Сени урлугъунгу ёмюрлеге да бегитирикме, Сени тахтангы тукъумдан тукъумгъа да къурарыкъма», – деп айтханса.

Маттай 5:4

Жилягъанла насыплыдыла; нек десегиз ала жапсарыллыкъдыла.

Маттай 5:6

Тюзлюкге жутлукъ этип термилгенле насыплыдыла; нек десегиз ала тоярыкъдыла.

Лука 4:18

«Раббийни Нюрю Мени юсюмдеди; нек десегиз Ол Мени жарлылагъа хайыр хапар берирге майлагъанды эмда Мени жюреклери сыннганланы сау этерге, жесирлеге азатлыкъны, сокъурлагъа кёзлерини ачыллыгъын билдирирге, унукъдурулгъанланы эркинликге бошларгъа,

Римлилеге 6:6

Биз энди гюняхны къуллары болмайыкъ деп, гюняхлы чархларыбыз къорар ючюн бизни эски жашауубуз Масих бла бирге къачха керилгенин билебиз.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

Римлилеге 8:23

Эм жалан жаратылгъанла тюйюл, алай а биз кесибизде Сыйлы Нюрню биринчи хайырлары болгъанлай да, биз да, ичибизден ынчхап, Аллах бизни Кесине улан этерин, чархыбызны жулунурун сакълайбыз.

Римлилеге 8:26

Аны кибик, Сыйлы Нюр да бизни зайифлигибизде бизге болушады: нек десегиз биз нени юсюнден тилек этеригибизни да кереклисича билмейбиз, алай а Нюр Кеси сёз бла айтып ангылатылмазлыкъ ахтыныула бла бизни ючюн ёкюллюк этеди.

Колослулагъа 2:11

Масихникиле болгъаныгъызда, сизге да къол бла этилмеген сюннет, Масих этген сюннет этилгенди; ол сюннет а чархыгъызны гюняхлы табийгъатын кетериуюгюздю.

II Тимотейге 4:18

Раббий мени хар аман ишден да къутхарлыкъды эм Кесини Кёкдеги Патчахлыгъына сакъларыкъды. Анга махтау ёмюрледен ёмюрлеге болсун. Амин.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 2:15

Муну битеу ёмюрлеринде ёлюмден къоркъууларыны себебинден къул болгъанланы азат этер ючюн этгенди.

Билим Ачханы 21:4

Аллах аланы кёзлеринден хар жилямукъларын сюртюрюкдю, энди ёлюм боллукъ тюйюлдю. Не бушуу, не ачы къычырыкъ, не ауруу энди боллукъ тюйюлдю; нек десенг алгъыннгы озгъанды», – дегенин эшитдим.