Римлилеге 6:3 - Сыйлы Инжил бла Забур

³ Биз барыбыз да, Масих Иссагъа сууда кёмюлдюрюлюп ийман салгъанла, Аны ёлгенине кёмюлдюрюлгенибизни билмеймисиз?

Римлилеге 6:3 Iomraidhean Croise

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Ишлери 19:5

Муну эшитгенде, ала Раббий Иссаны атына сууда кёмюлдюрюлдюле.

Ишлери 2:38

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ишлери 8:16

Нек десегиз Сыйлы Нюр, алыкъа аланы бирине да тюшмеген эди, ала жаланда Раббий Иссаны аты бла сууда кёмюлдюрюлген эдиле.

Римлилеге 6:16

Сиз, кимге боюн салып, кесигизни кимни айтханын этерге къулгъа бере эсегиз, аны къуллары болгъаныгъызны билмеймисиз? Не ёлюм келтирген гюняхны къулларысыз, неда тюзлюклюлюк келтирген боюн салыуну къулларысыз.

Римлилеге 6:8

Биз Масих бла ёлген эсег’а, Аны бла жашарыгъыбызгъа да ийнанабыз.

Римлилеге 7:1

Къарындашла – мен Тауратны Законун билгенлеге айтама – сиз Законну адам гъа жаланда ол сау заманда эркинлиги болгъанын билмеймисиз?

I Коринфлилеге 10:2

Ала барысы да, булутда бла тенгизде кёмюлдюрюлюп, Муса бла байламлы болгъандыла

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

I Коринфлилеге 15:29

Алайсыз ёлгенле ючюн сууда кёмюлдюрюлгенле не этерикдиле? Ёлгенле чыртда тиргизилмей эселе, адамла ёлгенле ючюн сууда нек кёмюлдюрюледиле?

I Коринфлилеге 3:16

Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 5:6

Сизни махтаныр затыгъыз жокъду. Аз ачытхыч битеу тылыны ачытханын билмеймисиз?

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

I Коринфлилеге 9:13

Табыныучу юйде къуллукъ этиучюле ары келтирилген затладан ашап жашагъанларын, къурман этилиучю жерде жумуш этиучюле да андан юлюш алгъанларын билмеймисиз?

I Коринфлилеге 9:24

Стадионда чапханла бары да чабып, саугъа уа биреу алгъанын билмеймисиз? Сиз саугъа алырча чабыгъыз!

II Коринфлилеге 13:5

Сиз иймандамысыз – кесигиз-кесигизни сынагъыз, кесигиз-кесигизни тинтип къарагъыз. Масих Иссаны сизде болгъанын сиз кесигиз билмеймисиз? Алай болмаса, сиз сыналыугъа чыдаялмай къалыр эдигиз.

Галатиялылагъа 3:27

Сиз барыгъыз да, сууда кёмюлдюрюлюп, Масих бла бирлешгенле, Масиххе кийиннгенсиз.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.