Римлилеге 6:21 - Сыйлы Инжил бла Забур

²¹ Сиз энди ала ючюн уялгъан ишлеригиз ден ол заманда не хайырыгъыз бар эди? Ол ишлени ахыры ёлюмдю.

Римлилеге 6:21 Iomraidhean Croise

Забур 73:17

Битеу жерни чеклерин Сен салгъанса, жайны къышны да Сен къурагъанса.

Римлилеге 1:32

Аллахны, аллай ишлени этиучюле ёлюмге тийишлидиле деген, тюзлюклю хукмусун ала биледиле; алай а аланы кеслери этген бла да къалмай, этгенлеге да ыразы боладыла.

Римлилеге 5:12

Ол себепден, бир адамны юсю бла гюнях дуниягъа кирип, гюняхны юсю бла уа ёлюм келгени кибик, ёлюм да алай битеу адамлагъа кёчгенди. Нек десегиз бары да гюнях этгендиле.

Римлилеге 6:16

Сиз, кимге боюн салып, кесигизни кимни айтханын этерге къулгъа бере эсегиз, аны къуллары болгъаныгъызны билмеймисиз? Не ёлюм келтирген гюняхны къулларысыз, неда тюзлюклюлюк келтирген боюн салыуну къулларысыз.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

Римлилеге 8:6

Гюняхлы табийгъатны ойлашыулары ёлюм, Нюрню ойлашыулары уа жашау эм ырахатлыкъды.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

II Коринфлилеге 7:11

Ма ол, сизни Аллах сюйгенча жарсыгъаныгъыз, къарагъыз сизде къаллай къадалыу, къаллай ариуланыу, къаллай ачыуланыу, къаллай къоркъуу, къаллай итиниу, къаллай эришиу, гюнях этгеннге къаллай айып бериу чыгъаргъанды! Бу ишде хар не жаны бла да сиз кесигизни таза этип кёргюзтгенсиз.

Чюйютлелеге 10:29

Сора Аллахны Уланын аякълары бла малтагъан эмда аны сыйлы этген кесаматны къанын сыйлыгъа санамагъан эм Аллахны шафауатлы Нюрюн хыликкя этген адам къаллай бир уллу азап салынырча терс боллугъун ойлаймысыз?

Чюйютлелеге 6:8

Шинжиле бла бош хансла битдирген жер а жараусузду эм налат берилирге къаршыды, аны уа ахыры кюйдюрюлюудю.

Якъуп 1:15

Талпыу да, балаланып, гюнях туудурады, этилген гюнях а ёлюм туудурады.

Якъуп 5:20

Гюняхлыны жалгъан жолундан къайтаргъан адам аны жанын ёлюмден къутхаргъанын эм кёп гюняхларын кечдиргенин билсин.

I Петер 4:17

Нек десегиз сюд этилир заман жетгенди, сюд этилиу а Аллахны юйюрюнден башланырыкъды; сора алгъа бизден башланырыкъ эсе, Аллахны Хайыр Хапарына боюн салмагъанланы ахырлары уа къалай боллукъду?

I Ахия 2:28

Энди уа, сабийле, Масихде туругъуз; Ол кёрюннген заманда, бизни таукеллигибиз болсун эм, Ол келгенде, Аны аллында айыплы болмайыкъ.

Билим Ачханы 16:6

Ала сыйлыланы эмда файгъамбарланы къанларын тёкгенлери ючюн, Сен алагъа ичерге къан бердинг; ала мынга тийишлидиле», – дегенин эшитдим.

Билим Ачханы 20:14

Андан сора ёлюм да, ахырат да от кёлге атылдыла. От кёл экинчи ёлюмдю.