Римлилеге 6:14 - Сыйлы Инжил бла Забур

¹⁴ Гюнях сизге бийлик этерге керек тюйюлдю; нек десегиз сиз Тауратны Законуну буйругъунда тюйюлсюз, алай а Аллахны шафауатыны оноуундасыз. Тюзлюклюлюкге къул болуу

Римлилеге 6:14 Iomraidhean Croise

Маттай 1:21

Ол Улан табарыкъды, сен Анга Исса атны атарыкъса, нек десенг Ол Кесини халкъын гюняхларындан къутхарлыкъды», – деди.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ахия 8:36

Алай бла, Улан сизни азат этсе, керти азат боллукъсуз.

Римлилеге 11:6

Шафауат бла болгъан эсе уа, сора сууап ишледен тюйюлдю, алайсыз шафауат энди шафауат болмаз эди.

Римлилеге 4:16

Алай бла ант сёз Аллахны шафауатына таянсын эм, Ибрахимни битеу туудукълары ючюн ышаннгылы болсун деп, ийманнга кёре болады. Ибрахимни туудукълары, Законнга ышанып къалмай, алай а алада Ибрахимни ийманы болгъан адамладыла.

Римлилеге 5:17

Нек десегиз бир адамны гюняхындан ол адамны юсю бла ёлюм бийлик этип тургъан эсе, сора андан да бег’а Аллахны бай шафауатын эм тюзлюклюлюкню саугъасын къабыл этгенле бир Кишини – Масих Иссаны юсю бла – жашауда бийлик этерикдиле.

Римлилеге 5:18

Ол себепден, биреуню терслиги бла битеу адамлагъа сюд этилгени кибик, биреуню тюзлюгю бла да битеу адамланы жашатыр ючюн ариуланыу алай бериледи.

Римлилеге 6:12

Алай бла, сизни ёллюк чархыгъызда гюнях бийлик этмесин, сиз аны кюсегенлерине бойсунмазча.

Римлилеге 6:15

Сора не айтайыкъ? Биз, Законну буйругъунда тюйюл, Раббийни шафауатыны оноуунда болгъаныбыз ючюн, гюняхмы этейик? Чыртда угъай!

Римлилеге 8:12

Алай бла, къарындашла, биз гюняхлы табийгъатыбызгъа кёре жашарча гюняхлы табийгъатыбызгъа борчлу тюйюлбюз.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

Галатиялылагъа 3:23

Ийман келгинчи уа, биз, Законну тутмагъына салынып, боллукъ ийманны ачылыр заманына дери Законну жесири болуп тургъанбыз.

Галатиялылагъа 4:21

Сиз, Тауратны Законуну оноуунда болургъа сюйгенле, айтыгъыз манга: сиз Тауратны не айтханын билмеймисиз?

Галатиялылагъа 5:18

Сиз Нюр бла жюрюй эсегиз а, сора сиз Законну оноуунда тюйюлсюз.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 8:10

Ол кюнледен сора Израильни юйюрю бла этерик кесаматым ма буду дейди Раббий: Мен законларымы аланы акъылларына саллыкъма эм аланы жюреклерине жазарыкъма эм аланы Аллахлары боллукъма, ала уа Мени халкъым боллукъдула.