Римлилеге 5:8 - Сыйлы Инжил бла Забур

⁸ Аллах а бизге Кесини сюймеклигин, биз алыкъа гюняхлы болуп тургъан заманда, Масихни бизни ючюн ёлгени бла кёргюзтгенди.

Римлилеге 5:8 Iomraidhean Croise

Ахия 15:13

Кесини шуёхлары ючюн кесини жанын бергенден уллу сюймеклик жокъду.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Римлилеге 3:5

Бизни тюзлюксюзлюгюбюз Аллахны тюзлюгюн ача эсе, не айтайыкъ? Адамланы ойлашыуларына кёре айтама: Аллах чамланыуу бла азап салса терс болурму?

Римлилеге 4:25

Исса уа бизни гюняхларыбыз ючюн къурманнга берилгенди эм бизни ариулар ючюн тиргизилгенди.

Римлилеге 5:20

Тауратны Закону уа, терслик кёп болур ючюн, артда келгенди. Гюнях кёп болгъан жерде уа Аллахны шафауаты андан да кёп болгъанды.

Римлилеге 5:6

Кёремисиз Масих, биз алыкъа къарыусуз болгъан заманда, белгили кезиуде аллахсызла ючюн ёлгенди.

Римлилеге 5:7

Нек десегиз тюзлюклю ючюн ким ёлюр? Игилик этген адам ючюн киши ёлюрге таукел болурму анса?

Римлилеге 8:32

Кесини Уланын да аямай, алай а Аны бизни барыбыз ючюн берген Аллах Аны бла бизге хар нени да къалай бермез?

Римлилеге 8:39

Не бийиклик, не теренлик, неда бир башха тюрлю жаратылгъан зат, бизни Раббийибиз Масих Иссада болгъан, Аллахны сюймеклигинден бизни айыралмазлыгъына мен толу ийнанама.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

I Тимотейге 1:16

Алай а Масих Исса, Анга ийнанып ёмюрлюк жашау аллыкъ адамлагъа мени юлгю этип, мардасыз тёзюмюн мени юсюмде биринчи кёргюзтюр ючюн, манга мархамат этгенди.

Чюйютлелеге 8:3

Хар баш дин къуллукъчу саугъала бла къурманла келтирир ючюн салынады; ол себепден бизни Баш Дин Къуллукъчубуз да къурман келтирирге керек эди.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 3:16

Биз сюймекликни не болгъанын Масих бизни ючюн Кесини жанын бергенинден ангылайбыз. Биз да къарындашларыбыз ючюн жаныбызны аямазгъа керекбиз.