Римлилеге 5:5 - Сыйлы Инжил бла Забур

⁵ Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

Римлилеге 5:5 Iomraidhean Croise

Ишлери 10:45

Петер бла келген сюннетли ийнаннганла, башха миллетлилеге да Сыйлы Нюрню саугъасы къуюлгъанына сейирсиндиле.

Ишлери 2:17

„Ахыр кюнледе былай боллукъду дейди Аллах: Мен Нюрюмден битеу адамлагъа къуярыкъма, сизни уланларыгъыз да, къызларыгъыз да файгъамбарлыкъ этерикдиле, сизни жаш адамларыгъыз да кёрюнюуле кёрлюкдюле, къартларыгъыз да тюш кёрлюкдюле.

Ишлери 2:33

Алай бла Ол, Аллахны онг жанына чыгъарылып, Атадан, Ол берирге айтхан Сыйлы Нюрню алып, энди, сиз кёргенча эм эшитгенча, бу Нюрню юсюбюзге къуйгъанды.

Римлилеге 1:7

Римде жашагъан, Аллах сюйген, сыйлы болургъа чакъырылгъанланы барына: Атабыз Аллахдан эм Раббий Масих Иссадан сизге шафауат эм ырахатлыкъ болсун.

Римлилеге 8:28

Аллах Аны сюйгенлеге, Аны муратына кёре чакъырылгъанлагъа, хар нени да игиликге болдургъанын билебиз;

Римлилеге 9:33

Нек десегиз Китапда: «Ма, Сионда чырмау къая эмда абындырыучу таш салама; Анга ийнаннган ким болсада айыплы боллукъ тюйюлдю», – деп жазылгъаны кибик, ала абындырыучу ташха абыннгандыла.

I Коринфлилеге 8:3

Алай а Аллахны сюйген адамны Аллах биледи.

II Коринфлилеге 1:22

Ол бизге мухур салгъанды эм ышандырыр шартха бизни жюреклерибизге Сыйлы Нюрню жерлешдиргенди.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Галатиялылагъа 4:6

Сиз а уланлары болгъаныгъыз себепли, Аллах сизни жюреклеригизге: «Абба, Атам!», – деп къычыргъан Кесини Уланыны Нюрюн ийгенди.

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

I Фесалоникачылагъа 4:8

Алай бла, бу юйретиуню къабыл этмеген, адамны тюйюл, алай а бизге Кесини Сыйлы Нюрюн берген Аллахны къабыл этмей къояды.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

I Ахия 4:19

Биз сюебиз, нек десегиз Аллах бизни алгъа сюйгенди.