Римлилеге 5:17 - Сыйлы Инжил бла Забур

¹⁷ Нек десегиз бир адамны гюняхындан ол адамны юсю бла ёлюм бийлик этип тургъан эсе, сора андан да бег’а Аллахны бай шафауатын эм тюзлюклюлюкню саугъасын къабыл этгенле бир Кишини – Масих Иссаны юсю бла – жашауда бийлик этерикдиле.

Римлилеге 5:17 Iomraidhean Croise

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Ахия 10:10

Гудучу жаланда урлар, ёлтюрюр эм жояр ючюн келеди; Мен а адамланы жашаулары болур ючюн эм жашаулары артыгъы бла болур ючюн келгенме.

Римлилеге 5:12

Ол себепден, бир адамны юсю бла гюнях дуниягъа кирип, гюняхны юсю бла уа ёлюм келгени кибик, ёлюм да алай битеу адамлагъа кёчгенди. Нек десегиз бары да гюнях этгендиле.

Римлилеге 5:15

Алай а Аллахны шафауат саугъасы Адам файгъамбарны терслиги кибик тюйюлдю. Нек десегиз биреуню гюняхындан кёпле ёлюмге тюшген эселе, сора андан да бег’а Аллахны шафауаты эм бир Адамны, Масих Иссаны шафауаты бла берилген саугъа, кёплеге артыгъы бла жетгенди.

Римлилеге 5:20

Тауратны Закону уа, терслик кёп болур ючюн, артда келгенди. Гюнях кёп болгъан жерде уа Аллахны шафауаты андан да кёп болгъанды.

Римлилеге 6:14

Гюнях сизге бийлик этерге керек тюйюлдю; нек десегиз сиз Тауратны Законуну буйругъунда тюйюлсюз, алай а Аллахны шафауатыны оноуундасыз. Тюзлюклюлюкге къул болуу

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Римлилеге 8:39

Не бийиклик, не теренлик, неда бир башха тюрлю жаратылгъан зат, бизни Раббийибиз Масих Иссада болгъан, Аллахны сюймеклигинден бизни айыралмазлыгъына мен толу ийнанама.

I Коринфлилеге 15:49

Сора биз, жерден жаратылгъанны сыфатын жюрютгенибиз кибик, кёкден болгъанны сыфатын да жюрютюрюкбюз.

I Коринфлилеге 4:8

Сиз энди тойгъансыз, сиз энди бай болгъансыз, сиз бизсиз патчахлыкъ этесиз! Эй, сиз кертиси бла патчахлыкъ этге эдигиз, биз да сизни бла бирге патчахлыкъ этер кибик!

I Тимотейге 1:14

Алай а ийман бла эм Масих Иссада болгъан сюймеклик бла бирге Раббийибизни шафауаты манга толу берилгенди.

II Тимотейге 2:12

Тёзе эсек, Аны бла патчахлыкъ этерикбиз; Аны инкяр этсег’а, Ол да бизни инкяр этерикди.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

I Петер 2:9

Сиз а сайланнган тукъумсуз, Патчахны дин къуллукъчуларысыз, сыйлы миллетсиз, Аллахны энчи халкъысыз. Сизни къарангылыкъдан Кесини аламат жарыгъына Чакъыргъанны тамамлылыгъын билдирир ючюн сайланнганласыз.

Билим Ачханы 1:6

Эм бизни Кесини Атасы Аллахха къуллукъ этиуде патчахла эм дин къуллукъчула этген Масиххе ёмюрледен ёмюрлеге махтау эм къудурет болсун! Амин.

Билим Ачханы 20:4

Сора мен тахталаны да, алада олтургъанланы да кёрдюм. Сюд этерге алагъа эркинлик берилген эди. Иссагъа этген шагъатлыкълары эм Аллахны Сёзю ючюн башлары кесилгенлени жанларын да кёрдюм. Ала уа жаныуаргъа да, аны суратына да сежда этмеген эдиле эм аны тамгъасын не кеслерини мангылайларына, не къолларына къабыл этмеген эдиле. Ала тирилдиле эм Масих бла бирге минг жыл патчахлыкъ этдиле.

Билим Ачханы 20:6

Биринчи тиргизилиуге къошулгъан насыплыды эм сыйлыды; экинчи ёлюмню алагъа эркинлиги жокъду, алай а ала Аллахны эм Масихни дин къуллукъчулары боллукъдула эмда Аны бла бирге минг жыл патчахлыкъ этерикдиле.

Билим Ачханы 22:5

Анда кече боллукъ тюйюлдю эм не чыракъны, не кюнню жарыгъы керекли боллукъ тюйюлдюле; нек десегиз Раббий Аллах аланы жарытады. Ала ёмюрледен ёмюрлеге патчахлыкъ этерикдиле.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.