Римлилеге 5:15 - Сыйлы Инжил бла Забур

¹⁵ Алай а Аллахны шафауат саугъасы Адам файгъамбарны терслиги кибик тюйюлдю. Нек десегиз биреуню гюняхындан кёпле ёлюмге тюшген эселе, сора андан да бег’а Аллахны шафауаты эм бир Адамны, Масих Иссаны шафауаты бла берилген саугъа, кёплеге артыгъы бла жетгенди.

Римлилеге 5:15 Iomraidhean Croise

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 26:28

Бу Мени, гюняхла кечилсинле деп, кёпле ючюн тёгюлген, жангы кесаматны бегим этген къанымды.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 4:10

Исса анга жууапха: «Сен Аллахны саугъасын билсенг эди эмда санга: „Манга бир суу ичирчи“ деген ким болгъанын билсенг эди, сен кесинг Андан тилер эдинг, Ол да санга жашау бериучю суу берир эди», – деди.

Ишлери 15:11

Биз а, ала кибик, Раббий Масих Иссаны шафауаты бла къутхарылырбыз деп ийнанабыз», – деп сёлешди.

Римлилеге 5:12

Ол себепден, бир адамны юсю бла гюнях дуниягъа кирип, гюняхны юсю бла уа ёлюм келгени кибик, ёлюм да алай битеу адамлагъа кёчгенди. Нек десегиз бары да гюнях этгендиле.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

II Коринфлилеге 5:14

Нек десегиз бизни жюрютген Масихни сюймеклигиди. Биреулен битеу адамла ючюн ёлгенди, алай эсе, бары да ёлгендиле деп оюм этгенбиз.

II Коринфлилеге 9:15

Аны айтып болмазча саугъасы ючюн Аллахха шукур болсун!

Эфеслилеге 2:8

Нек десегиз сиз Аны шафауаты бла, ийнаныуугъузну юсю бла къутхарылгъансыз, ол да сиз жетишген зат тюйюлдю, Аллахны саугъасыды.

Чюйютлелеге 2:9

Алай а бир аз заманнга мёлекледен алаша этилген Исса, Аллахны шафауаты бла хар адам амалтын ёлюм татар ючюн ёлюм сынагъаны себепли, махтау эм хурмет таж кийгенин кёребиз.

I Ахия 2:2

Ол бизни гюняхларыбызны эм жаланда бизни гюняхларыбызны тюйюл, алай а битеу дунияны гюняхларын да кечдирген къурманды.

I Ахия 5:11

Бу шагъатлыкъ мындан болады: Аллах бизге ёмюрлюк жашау бергенди, бу жашау а Аны Уланындады.