Римлилеге 5:1 - Сыйлы Инжил бла Забур

¹ Ол себепден, ийман бла ариуланып, Раббийибиз Масих Иссаны юсю бла бизни Аллах бла жарашыулугъубуз барды.

Римлилеге 5:1 Iomraidhean Croise

Лука 19:38

«Раббийни аты бла келген Патчах алгъышлыды! Кёкледе жарашыулукъ, Эм Бийикдегине махтау!» – дей эдиле.

Лука 19:42

Эмда: «Ой, сени ырахатлыгъынга не жарагъанын, сени бу кюнюнгде окъуна сен билге эдинг! Алай а бу энди сени кёзлерингден ташады.

Лука 2:14

«Эм бийикледе Аллахха махтау, жер юсюнде Ол ыразы болгъан адамлада ырахатлыкъ!» – деп айта эдиле.

Ахия 14:27

Сизге жюрек ырахатлыкъ къояма, Мени жюрек ырахатлыгъымы сизге береме: дуния бергенча тюйюл, Мен береме сизге. Сизни жюрегигиз жунчумасын эмда къоркъмасын.

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ишлери 10:36

Аллах Израиль улулагъа Сёзюн ийгенди эм барысыны да Раббийи болгъан Масих Иссаны юсю бла жарашыулукъну Хайыр Хапарын билдиргенди.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 1:7

Римде жашагъан, Аллах сюйген, сыйлы болургъа чакъырылгъанланы барына: Атабыз Аллахдан эм Раббий Масих Иссадан сизге шафауат эм ырахатлыкъ болсун.

Римлилеге 10:10

Нек десенг адам жюреги бла ийнанып ариуланады, ийнаннганына уа ауузу бла шагъатлыкъ этип къутхарылады.

Римлилеге 10:15

Сора хапар къалай берсинле, хапар берирге ийилмеселе? Китапда жазылгъаны кибик: «Жарашыулукъну Хайыр Хапарын, ахшылыкъны Хайыр Хапарын билдиргенлени аякълары къалай аламатдыла!»

Римлилеге 14:17

Нек десегиз Аллахны Патчахлыгъы аш бла суусун тюйюлдю, алай а тюзлюклюлюк, жарашыулукъ эмда Сыйлы Нюрде къууанчды.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 15:33

Ырахатлыкъ бериучю Аллах сизни барыгъыз бла да болсун. Амин.

Римлилеге 3:22

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 3:30

Нек десегиз сюннетлилени ийман бла ариуларыкъ бир Аллах сюннетсизлени да ийманны юсю бла ариуларыкъды.

Римлилеге 4:5

Ишлемеген, алай а аллахсызны Ариулаучугъа ийнаннган адамны уа ийманы тюзлюклюлюкге саналады.

Римлилеге 5:11

Аны бла да къалмай, алай а бизни энди Аллах бла жарашдыргъан Раббийибиз Масих Иссаны юсю бла Аллахны Кеси бла махтанабыз.

Римлилеге 5:18

Ол себепден, биреуню терслиги бла битеу адамлагъа сюд этилгени кибик, биреуню тюзлюгю бла да битеу адамланы жашатыр ючюн ариуланыу алай бериледи.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

Римлилеге 9:30

Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

Галатиялылагъа 2:16

Алай болгъанлыкъгъа уа, адам Тауратны фарызларын тутуу бла угъай, жаланда Масих Иссагъа ийнаныуу бла ариуланнганын билебиз. Аны ючюн биз да, Тауратны фарызларын тутууубуз бла тюйюл, Масиххе ийнаныуубуз бла ариуланыр ючюн Масих Иссагъа ийнаннганбыз. Нек десегиз Тауратны фарызларын тутууу бла бир адам да ариуланаллыкъ тюйюлдю.

Галатиялылагъа 3:25

Ийман келгенден сора уа, биз энди, сабийлени жюрютюучю къулнуча, Законну оноуунда тюйюлбюз.

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

Колослулагъа 1:20

Алай бла Аны, къачны юсюнде тёгюлген къаныны болушлугъу бла, Аллах, кёкледегилени да, жердегилени да – барын да, Аны юсю бла Кеси бла жарашдырып, ырахатлыкъ бергенди.

Колослулагъа 3:15

Сизни жюреклеригизде Аллахны ырахатлыгъы бийлик этсин. Сиз да, бир чархны санлары болуп, ол ырахатлыкъгъа чакъырылгъансыз. Шукур этиучюле болугъуз.

I Фесалоникачылагъа 5:23

Ырахатлыкъ бериучю Аллах а Кеси сизни толусунлай сыйлы этсин эм сизни нюрюгюз да, жаныгъыз да, чархыгъыз да, Раббийибиз Масих Иссаны келиуюнде къыяусуз болур ючюн, битеу саулай сакълансын.

II Фесалоникачылагъа 3:16

Ырахатлыкъ бериучю Раббий а Кеси хар заманда да, хар не жаны бла да сизге ырахатлыкъ берсин. Раббий сизни барыгъыз бла да болсун!

Чюйютлелеге 13:20

Къойланы уллу Сюрюучюсю болгъан бизни Раббийибиз Масих Иссаны ёмюрлюк кесамат къаны бла ёлгенледен тиргизген, ырахатлыкъ бериучю Аллах а,