Римлилеге 4:16 - Сыйлы Инжил бла Забур

¹⁶ Алай бла ант сёз Аллахны шафауатына таянсын эм, Ибрахимни битеу туудукълары ючюн ышаннгылы болсун деп, ийманнга кёре болады. Ибрахимни туудукълары, Законнга ышанып къалмай, алай а алада Ибрахимни ийманы болгъан адамладыла.

Римлилеге 4:16 Iomraidhean Croise

Лука 19:9

Исса анга: «Энди бу юйге къутхарылыу келди, нек десегиз бу адам да Ибрахимни уланыды.

Римлилеге 15:8

Айтханым буду: Масих Исса Аллахны ышаннгылы болгъанын кёргюзтюр ючюн иудейлилеге къуллукъ этиучю болгъанды. Ол аланы аталарына берилген ант сёзле толсунла

Римлилеге 3:22

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 3:30

Нек десегиз сюннетлилени ийман бла ариуларыкъ бир Аллах сюннетсизлени да ийманны юсю бла ариуларыкъды.

Римлилеге 4:11

Сюннетсиз болгъанлай, ийман салгъанланы барыны да аталары болур ючюн эм алай бла аланы да ийманлары тюзлюклюлюкге саналыр ючюн, Ибрахим, сюннет этилгинчи, кесинде болгъан ийманы бла тюзлюклю болгъанын кёргюзтген мухургъа сюннет белгини алгъанды.

Римлилеге 5:1

Ол себепден, ийман бла ариуланып, Раббийибиз Масих Иссаны юсю бла бизни Аллах бла жарашыулугъубуз барды.

Римлилеге 9:8

Алай демеклик Аллахны сабийлери чархдан жаратылгъан сабийле тюйюлдюле, алай а ант сёз бла берилген сабийле Ибрахимни урлугъуна саналадыла.

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Галатиялылагъа 3:16

Алай а Ибрахимге эм аны урлугъуна ант сёзле берилгендиле. Кёплегеча: «эм туудукъларына», – деп айтылмагъанды, алай а жангызны юсюнден айтылгъанча: «эм сени урлугъунга», – деп айтылгъанды, ол а Масихди.

Галатиялылагъа 3:22

Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.

Эфеслилеге 2:5

Терсликлерибиз бла ёлю болгъаныбызлай, бизге Масих бла жашау бергенди. Сиз Аны шафауаты бла къутхарылгъансыз.

Эфеслилеге 2:8

Нек десегиз сиз Аны шафауаты бла, ийнаныуугъузну юсю бла къутхарылгъансыз, ол да сиз жетишген зат тюйюлдю, Аллахны саугъасыды.

Титге 3:7

Ол Сыйлы Нюрню бизни Къутхарыучубуз Масих Иссаны юсю бла юсюбюзге эркин къуйгъанды.

II Петер 1:10

Ол себепден, къарындашла, чакъырылыуугъузну эм сайланыуугъузну къаты этерге бекден-бек кюрешигиз. Алай этсегиз, бир заманда да тентиремезсиз.