Римлилеге 4:11 - Сыйлы Инжил бла Забур

¹¹ Сюннетсиз болгъанлай, ийман салгъанланы барыны да аталары болур ючюн эм алай бла аланы да ийманлары тюзлюклюлюкге саналыр ючюн, Ибрахим, сюннет этилгинчи, кесинде болгъан ийманы бла тюзлюклю болгъанын кёргюзтген мухургъа сюннет белгини алгъанды.

Римлилеге 4:11 Iomraidhean Croise

Забур 47:9

Биз эшитгенибиз кибик, хар неге да кючю жетген Раббийни шахарында, бизни Аллахыбызны шахарында, алай кёрдюк; Аллах аны ёмюрлеге да кючлю этерикди.

Маттай 16:16

Шимон Петер, жууап эте: «Сен – жашау бериучю Аллахны Уланы Масихсе», – деди.

Маттай 8:11

Кёпле, кюн чыкъгъандан эм кюн батхандан келип, Ибрахим бла, Исхакъ бла эм Якъуп бла Кёклени Патчахлыгъында олтурушурукъдула.

Лука 19:9

Исса анга: «Энди бу юйге къутхарылыу келди, нек десегиз бу адам да Ибрахимни уланыды.

Ахия 3:33

Аны шагъатлыгъын къабыл этген киши, Аллахны кертичи болгъанына мухур басханды.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 6:35

Исса уа алагъа: «Жашауну ётмеги Менме; бир заманда да Манга келген ач боллукъ тюйюлдю эм Манга ийнаннган суусап боллукъ тюйюлдю.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

Ахия 6:47

Кертисин, кертисин айтама сизге: Манга ийнаннганны ёмюрлюк жашауу барды.

Ахия 8:33

Анга: «Биз Ибрахимни урлугъубуз эм бир заманда да бир кишиге да къул болмагъанбыз; Сен а: „Азат боллукъсуз“ деп къалай айтаса?» – деп жууап этдиле.

Римлилеге 10:11

Китапда: «Анга ийнаннган бир адам да айып аллыкъ тюйюлдю» деп айтылады.

Римлилеге 10:4

Хар ийнаннган ариуланыр ючюн, Масих Тауратны Законун ахырына жетдиргенди.

Римлилеге 10:6

Иймандан болгъан тюзлюклюлюк а былай айтады: «Сен жюрегингде: кёкге – алай демеклик Масихни тюшюрюрге ким чыгъар?», – деп айтма.

Римлилеге 3:22

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 3:26

Ол муну, тюзлюклю болгъаны ючюн эм Иссагъа ийнаннганны ариулар ючюн, бусагъат заманда Кесини тюзлюгюн кёргюзтюр ючюн этгенди.

Римлилеге 3:30

Нек десегиз сюннетлилени ийман бла ариуларыкъ бир Аллах сюннетсизлени да ийманны юсю бла ариуларыкъды.

Римлилеге 4:10

Не заманда саналгъанды? Сюннет этилгенден сорамы, огъесе сюннет этилгинчими? Сюннет этилгенден сора тюйюл, сюннет этилгинчи саналгъанды.

Римлилеге 9:30

Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

Римлилеге 9:33

Нек десегиз Китапда: «Ма, Сионда чырмау къая эмда абындырыучу таш салама; Анга ийнаннган ким болсада айыплы боллукъ тюйюлдю», – деп жазылгъаны кибик, ала абындырыучу ташха абыннгандыла.

Римлилеге 9:6

Алай а бу, Аллахны сёзю толмагъанды демек тюйюлдю. Нек десегиз Израильден болгъанланы бары тюйюлдю Израильли.

II Коринфлилеге 1:22

Ол бизге мухур салгъанды эм ышандырыр шартха бизни жюреклерибизге Сыйлы Нюрню жерлешдиргенди.

Галатиялылагъа 3:22

Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.

Галатиялылагъа 3:29

Сиз Масихни эсегиз а, сора сиз Ибрахимни урлугъусуз эм Аллахны ант сёз бла берирге айтханындан юлюшлю боллукъ туудукъласыз.

Галатиялылагъа 3:7

Алай бла, Ибрахимни керти уланлары ийнаннганла болгъанларын билигиз.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

Галатиялылагъа 6:16

Бу жорукъ бла жюрюгенлеге да, Аллахны Израилине да ырахатлыкъ эм ахшылыкъ келсин!

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

Чюйютлелеге 11:7

Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

Билим Ачханы 9:4

Мачалагъа, жерни кырдыгына эм бир тюрлю ёсюмлюкге эм бир тюрлю терекге заран этмезге, жаланда мангылайларында Аллахны мухуру болмагъан адамлагъа заран этерге деп айтылды.