Римлилеге 3:27 - Сыйлы Инжил бла Забур

²⁷ Къайдады ол – махтанырча зат? Жокъ этилгенди. Къайсы закон бла? Этилген ишлеге таяннган закон бламы? Угъай, жангыз ийманнга таяннган закон бла.

Римлилеге 3:27 Iomraidhean Croise

Марк 16:16

Ийнаннган эмда сууда кёмюлдюрюлген адам къутхарыллыкъды; ийнанмагъан адамгъа уа сюд этилликди.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Римлилеге 10:5

Муса Закондан болгъан тюзлюклюлюкню юсюнден: «Законну толтургъан адам аны бла жашау табарыкъды», – деп жазады.

Римлилеге 11:6

Шафауат бла болгъан эсе уа, сора сууап ишледен тюйюлдю, алайсыз шафауат энди шафауат болмаз эди.

Римлилеге 2:17

Ма, сен иудейлиме дейсе эм, Тауратха ышанып, Аллах бла махтанаса,

Римлилеге 2:23

Таурат бла махтанаса, Тауратны бузууунг бла уа Аллахны ыспассыз къалай этесе?

Римлилеге 3:19

Алай а, Таурат не айта эсе да ол, Тауратны Законуну оноуунда болгъанлагъа айтханын биз билебиз, алай бла хар аууз да жабылады эм битеу дуния Аллахны аллында терс болуп къалады.

Римлилеге 3:26

Ол муну, тюзлюклю болгъаны ючюн эм Иссагъа ийнаннганны ариулар ючюн, бусагъат заманда Кесини тюзлюгюн кёргюзтюр ючюн этгенди.

Римлилеге 4:2

Ибрахим ишлери бла ариуланнган эсе, аны махтаныргъа сылтауу болур эди; алай а Аллахны аллында аны махтаныр заты жокъду.

Римлилеге 7:21

Алай бла мен, игилик этерге сюйген заманымда, манга аманлыкъ этерге тюшген законну кёреме.

Римлилеге 7:23

Мени санларымда уа, акъылымдагъы Законнга къажау кюрешип, мени жесир этген башха закон кёреме.

Римлилеге 7:25

Бизни Раббийибиз Масих Иссаны юсю бла Аллахха шукур болсун! Алай бла ол биягъы мен акъылым бла Аллахны Законуна, адам табийгъатым бла уа гюняхны законуна къуллукъ этеме.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

Римлилеге 9:11

Нек десегиз ала туугъунчу эм не ахшы, не аман этгинчи, Аллах аланы бирин сайлагъанда Аны мураты адамланы этген ишлерине кёре тюйюл, алай а Кесини чакъырыууна кёре болур ючюн,

Римлилеге 9:31

Тюзлюклюлюк бериучю закон излеген Израиль а, бу законнга жетмегенди.

Римлилеге 9:32

Не ючюн? Ийман бла тюйюл, Тауратны Законуну буюргъанларын этиу бла ариуланыргъа кюрешгендиле.

I Коринфлилеге 4:7

Нек десенг сени ким айырып башха кёреди? Сен Аллахдан алмагъан сени не затынг барды? Алгъан эсенг а, нек махтанаса, алмагъан кибик?

Галатиялылагъа 2:16

Алай болгъанлыкъгъа уа, адам Тауратны фарызларын тутуу бла угъай, жаланда Масих Иссагъа ийнаныуу бла ариуланнганын билебиз. Аны ючюн биз да, Тауратны фарызларын тутууубуз бла тюйюл, Масиххе ийнаныуубуз бла ариуланыр ючюн Масих Иссагъа ийнаннганбыз. Нек десегиз Тауратны фарызларын тутууу бла бир адам да ариуланаллыкъ тюйюлдю.

Галатиялылагъа 3:22

Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.