Римлилеге 3:22 - Сыйлы Инжил бла Забур

²² Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 3:22 Iomraidhean Croise

Лука 15:22

Атасы уа кесини къулларына: „Эм иги кийимни келтирип, аны кийиндиригиз, къолуна жюзюк, аякъларына да чарыкъ беригиз

Ишлери 11:12

Сыйлы Нюр манга: „Бир арсар болмай, ала бла бар“ деди; мени бла бирге бу алты къарындаш да бардыла, сора биз ол адамны юйюне келдик.

Ишлери 15:9

Эмда аланы бла бизни арабызда бир тюрлю башхалыкъ этмей, ийман бла аланы жюреклерин тазалагъанды.

Ишлери 3:16

Аны атына ийнаныуну хатырындан, бу сиз кёрген эм таныгъан адамны, Аны аты кючлендиргенди эм Аны юсю бла келген ийман, сизни барыгъызны аллыгъызда бу толу саулукъну анга бергенди.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 10:12

Мында иудейлилени бла башха миллетлилени арасында башхалыкъ жокъду; нек десегиз Раббий барысында да бирди, Аны чакъыргъанланы барына да Аны байлыгъы кёпдю.

Римлилеге 10:4

Хар ийнаннган ариуланыр ючюн, Масих Тауратны Законун ахырына жетдиргенди.

Римлилеге 2:1

Алай бла сен, ким да бол, башханы терслеучю адам, кечгинликли тюйюлсе. Нек десенг башханы не терслик бла терслей эсенг, кесинги да ол терслик бла терслейсе; не ючюн десенг, башханы терслеп, кесинг да аны этесе.

Римлилеге 3:30

Нек десегиз сюннетлилени ийман бла ариуларыкъ бир Аллах сюннетсизлени да ийманны юсю бла ариуларыкъды.

Римлилеге 4:16

Алай бла ант сёз Аллахны шафауатына таянсын эм, Ибрахимни битеу туудукълары ючюн ышаннгылы болсун деп, ийманнга кёре болады. Ибрахимни туудукълары, Законнга ышанып къалмай, алай а алада Ибрахимни ийманы болгъан адамладыла.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 9:30

Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

I Коринфлилеге 4:7

Нек десенг сени ким айырып башха кёреди? Сен Аллахдан алмагъан сени не затынг барды? Алгъан эсенг а, нек махтанаса, алмагъан кибик?

Галатиялылагъа 2:16

Алай болгъанлыкъгъа уа, адам Тауратны фарызларын тутуу бла угъай, жаланда Масих Иссагъа ийнаныуу бла ариуланнганын билебиз. Аны ючюн биз да, Тауратны фарызларын тутууубуз бла тюйюл, Масиххе ийнаныуубуз бла ариуланыр ючюн Масих Иссагъа ийнаннганбыз. Нек десегиз Тауратны фарызларын тутууу бла бир адам да ариуланаллыкъ тюйюлдю.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Галатиялылагъа 3:22

Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Эфеслилеге 3:12

Масихде уа, бизни Анга ийнаныуубуз бла, Аллахха таукеллик бла эм ышаныу бла жууукълашыргъа амалыбыз барды.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

Якъуп 2:23

Сора Китапда: «Ибрахим Аллахха ийнаннганды, бу да анга тюзлюклюлюкге саналгъанды», – деп жазылгъан сёз къабыл болгъанды эмда анга Аллахны шуёху аталгъанды.