Римлилеге 3:21 - Сыйлы Инжил бла Забур

²¹ Алай а энди, Аллахны Законнга да къарамай адамны ариулауу ачыкъ этилгенди. Аны юсюнден а Таурат да, файгъамбарла да шагъатлыкъ этедиле.

Римлилеге 3:21 Iomraidhean Croise

Лука 24:44

Сора алагъа: «Мени юсюмден Мусаны Таурат китабында, файгъамбарланы китапларында эмда Забурда битеу жазылгъанла толургъа керекдиле деп, сизни бла болгъан заманында, ма муну юсюнден айтхан эдим Мен сизге», – деди.

Ахия 1:45

Филип, Натанелни табып, анга: «Биз, Аны юсюнден Муса Тауратда жазгъан, файгъамбарла да айтхан, Юсюпню уланы Назаретли Иссаны тапханбыз», – деди.

Ишлери 10:43

Иссаны юсюнден битеу файгъамбарла, Анга ийнаннган хар адамны гюняхлары Аны аты бла кечилликлерине шагъатлыкъ этедиле», – деди.

Ишлери 15:11

Биз а, ала кибик, Раббий Масих Иссаны шафауаты бла къутхарылырбыз деп ийнанабыз», – деп сёлешди.

Ишлери 26:22

Алай а, бюгюннге дери да мен Аллахдан болушлукъ алып, гитчеге да, уллугъа да шагъатлыкъ этип турама. Мени айтханларым файгъамбарла да, Муса да, ол боллукъду деп, алгъындан хапар берген затладан башха зат тюйюлдю.

Ишлери 28:23

Сора анга келир кюнлерин болжал этдиле эмда ол кюн андан да кёпле ол тургъан юйге келдиле. Ол а эрттенден ингирге дери Аллахны Патчахлыгъыны юсюнден окъууну ангылатып, анга шагъатлыкъ этип турду. Мусаны Таурат Китабындан да, файгъамбарланы китапларындан да Иссаны юсюнден жазылгъанланы кёргюзтюп аланы ийнандырыргъа кюреше эди.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 1:2

Аллах Кесини файгъамбарларыны юсю бла Сыйлы Китаплада алгъындан берирге айтып сёз берген ол Хайыр Хапар

Римлилеге 3:28

Нек десегиз адам, Законну буюргъанларын этиу бла тюйюл, ийман бла ариуланнганын биз билебиз.

Римлилеге 5:19

Бир адамны бой салмауу бла кёпле гюняхлы болгъанлары кибик, биреуню бой салыуу бла да кёпле алай тюзлюклю боллукъдула.

Римлилеге 5:21

Алай бла гюнях ёлюмню юсю бла бийлик этгени кибик, Аллахны шафауаты да, бизни Раббийибиз Масих Иссаны юсю бла ёмюрлюк жашау берир ючюн, тюзлюклюлюк бла бийлик этеди.

Римлилеге 9:30

Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

II Коринфлилеге 3:9

Нек десегиз адамны айыбына тюбетиучю къуллукъ аламат эсе, сора аны ариулагъан къуллукъ а андан кёп да аламатды.

II Коринфлилеге 5:21

Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

Галатиялылагъа 3:8

Сыйлы Китап да, Аллах башха миллетлилени да ийман бла ариуларыгъын алгъындан кёрюп, Ибрахимге: «Сени юсюнг бла битеу миллетлеге ыразылыкъ берилликди», – деп Хайыр Хапарны алгъындан билдиргенди.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

I Петер 1:10

Файгъамбарланы тинтип излеулери да бу къутхарылыуну юсюнден эди. Ала сизге буюрулгъан шафауатны келлигин алгъындан билип айтхандыла.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!